大家唔好再話o靚模冇文化喇，周秀娜今個月七號就殺入科大，出席一個解構o靚模現象同o靚模風氣利與弊嘅講座，其他講座嘉賓仲包括前高官添，o靚模直頭由性感女神進身為文化大師呀！
但咪住先，請周秀娜嚟解構o靚模現象，似乎就有啲商榷餘地嘞。大家諗吓啦，如果o靚模可以解構o靚模現象，咁試問農場裏面嘅乳牛，又可唔可以解構成個乳製品市場嘅發展模式同前景呢？豪伯咁講，絕對唔係想貶低啲o靚模，只係想話「當局者迷」，「解構」重任，都係留畀一眾專家去做啦。
計我話，無論o靚模「解構」又好、「解扣」也罷，總之眼睛有得食冰淇淋，豪伯一律無任歡迎也！
skip to main |
skip to sidebar
最好o靚模走埋入去教書啦，如果我係學生，我仆倒去報讀添呀﹗
回覆刪除啲o靚模邊度識嘢架，要搞，係咪吸引人黎聽既綽頭啦架咋﹖
回覆刪除係咪「性感」出席先﹖會不會引來大批龍友撐場。
回覆刪除樓上小兄，我睇番新聞，原來現場唔俾攝影架，我覺得有少少趕客feel囉﹗
回覆刪除