搵老友麻生太郎敍舊？
煲呔曾居然喺呢個時候仲有閒情逸致去日本旅行，真係令人嘆為觀止。大佬呀，莫講話佢家陣醜聞纏身，欠市民一個交代啦，就算冇事冇幹，係咪都好應該留喺香港，了解吓市民大眾對佢份施政報告嘅反應呢？
煲呔曾冇公布喺日本嘅行程，但係豪伯估計佢可能同佢嘅好朋友、前首相麻生太郎敍敍舊。麻生前排叫冇錢嘅日本後生仔女「慳啲使」，冇錢就唔好學人結婚，否則唔會得到人尊重，煲呔曾唔知係咪從中獲得靈感，竟然叫買唔起樓嘅中產搬入偏遠細單位，兩位仁兄一樣咁涼薄，仲話唔係好朋友？呀，係嘞，唔知煲呔曾會唔會學埋麻生咁落台，以進一步加深彼此友誼呢？
skip to main |
skip to sidebar
啱啦，去耐啲啦，最好去咗唔好返嚟，反正冇佢喺度，香港咪一樣run咁順，分分鐘好啲添呀﹗﹗
回覆刪除煲呔反正都係捱吓日子等收工架啦，肯定之後仲有大把機會周遊列國嘆世界…
回覆刪除泰山崩於前而面不改容，呢啲咪就係政治家風範囉……
回覆刪除吓﹖乜曾蔭權去咗旅行咩﹖點解好似完全唔覺咁既﹖定抑或佢就算喺香港都係龜縮，所以唔覺呢﹖
回覆刪除