全港市民抽獎做副局長
特區政府再委任兩個副局長，兩個都係嚟自公務員行列。咦，乜當初設立副局政助嘅時候，唔係話要吸納更多政治人才嘅咩？
不過，大家都無謂太過認真囉，煲呔曾夠話「以民為本」、「急市民所急」啦，結果大家都見到啦，話佢「急親人所急」都仲可能貼切啲。所以話，都係唔好對呢班副局政助有太大期望啦！同大家做個測試呀，你試吓一口氣講出五個副局長個名出來吖嗱，邊位讀者老爺咁把炮真係噏得出嘅話，豪伯即刻請佢食餐飯又點話？
反正大家都唔知班副局長係乜水、做啲乜㗎啦，不如當紓困措施咁做，全港市民都可以參加抽獎，幸運兒就係副局長一年合約。
skip to main |
skip to sidebar
煲呔組建「曾家軍」已經唔係咩新聞啦﹗佢今日廣植勢力，他日無論邊個揸fit都係佢門生，幾過癮呀﹗
回覆刪除其實副局長人選越嚟越窄，一啲都唔出奇，你諗吓成個政府民望咁低迷，真正有料之人都唔想拍埋去影衰自己啦﹗
回覆刪除冇聽過香港公務員係全球效率最高既團隊咩﹖你睇佢地爭取加薪就知啦，所以絕對係理想人選。
回覆刪除之前副局長都係咁畀人鬧啦，仲開﹖係咪博大家轉移視線，會唔記得慳電膽事件呀﹖
回覆刪除