社署亂批傷津

上唔到鹹網大件事
呢個社署認真混帳！申訴專員公署調查發現，社署喺審批傷殘津貼過程中甩甩漏漏，試過有個申領傷津人士，多年嚟失去左手所有手指申領傷津，但係醫生寫錯佢冇咗右手手指，社署竟然照批可也，其後又無端端唔批。
其實社署審批傷津個標準根本就好有問題，原來淨係鋸咗一條小腿，係可以唔獲批傷津嘅。咦？冇咗手指可以攞傷津，冇咗腳點解唔可以攞呢？唔通坐喺冷氣房嗰啲官以己度人，以為冇咗隻腳好小事，可以照常返工，但係冇咗手指，返工期間上鹹網會好唔方便，所以至咁批法？
唉！咁搞法，社會可以少好多傷殘人士，因為好多畀社署玩都玩死啦！