等學生咿挹時間都冇
粵劇除咗長者鍾意之外，原來唔少後生仔女都有興趣。有間學校仲叫啲同學仔女學粵劇，等佢哋有番啲細藝，唔使咁得閒走去索K又或者援交，唔知大家覺得呢一招「粵劇抗吸毒援交」使唔使得？豪伯我就絕對支持嘞！
先講援交問題。《帝女花．香夭》都有得唱啦：「偷偷看，偷偷望，佢帶淚帶淚暗悲傷」，公主對住駙馬都要「偷偷望」，點會好似依家啲後生咁，三句唔埋就要喺樓梯咿挹，更莫講話援交啦！至於索K問題亦唔難搞。你知啦，家陣睇大戲有咩場地呀，嚟嚟去去得個新光戲院，高山劇場個場地到依家都好似冇厘聲氣咁，粵劇迷為更多演出場地抗爭都唔得閒啦，仲邊有時間去索K呢？
skip to main |
skip to sidebar
在學校推廣粵劇，中學生多樣野學，粵劇界多左捧場客，一舉兩得~
回覆刪除計我話鍾意得粵劇既，大多數都係斯文同乖嗰咋啦，要抗毒，不如教佢哋空手道好過﹗
回覆刪除都好既，等啲靚仔有番啲細藝，又可以弘揚傳統中國文化，一舉兩得。
回覆刪除叫啲o靚仔o靚妹學粵劇，等佢哋有所寄託，出發點無錯係好，但係用途有幾大就難講啲啦。因為始終粵劇俾人o既感覺較為「老餅」，到底青少年buy唔buy呢﹖
回覆刪除