咁都未暴動維和有心得
奧巴馬獲得諾貝爾和平獎，世界會唔會和平就唔知，但分析家嘅眼鏡跌到周圍都係，眼鏡製造商呢鋪發囉！
真奇怪，今次和平獎人選公布後，各界唔係第一時間恭賀得主，而係幫諾貝爾委員會搵個合理解釋出嚟。既然係咁，我哋周一鑊都可以攞諾貝爾和平獎啦！冇聽錯呀，係和平獎而唔係醫學獎呀。大家諗吓，公立醫院幾乎日日打錯針輸錯血，香港都冇暴動，如果周一鑊肯公布有乜法寶令到港人咁溫順，和平獎實係佢攞硬啦！
有人話喎，頒個和平獎畀奧巴馬，係鼓勵佢往後幾年做得好啲。嘩，如果咁都講得通，咁我哋成個特衰政府管治得咁差，咪仲需要「鼓勵」？
skip to main |
skip to sidebar
唔係喎，周一鑊邊有理由攞任何獎呀﹖嫌香港人口過盛呀﹖
回覆刪除奧巴馬衝破種族界限，成為第一個黑人總統，本身已經值得拿和平獎啦﹗
回覆刪除奧巴馬都可以攞諾貝爾和平獎，乜都有可能架啦，周一嶽話唔定可以做美國總統添。
回覆刪除周一嶽周身都係鑊，竟然拎埋荷蘭水蓋，真係天冇眼
回覆刪除