採取學費浮動制最公道
家陣搵食艱難，有消息話政府研究將學生最長還款期延長去到十三年，但學生必須支付延期利息同風險利率。
不過，學生哥對呢項建議似乎唔多受落喎。鬼咩，就業環境改善唔到，搵埋唔夠養自己，分三十年還都冇用啦。老實講，有頭髮冇人想做癩痢，除咗少數唔生性將學生貸款攞去炒股票嘅之外，大部分人都想早日還清學債，搵唔到食，有咩法子呀？所以計我話，最好辦法係規定學生將來月入嘅若干比例用嚟還債，多有多還，少有少還，踎緊躉嘅當然有拖冇欠啦；當然最公道係採取「學費浮動制」，根據各學科應屆畢業生嘅入息中位數來釐定學費，童叟無欺，一個願打，一個願捱，公道到極啦！
skip to main |
skip to sidebar
拖長嚟還咪眼冤多幾年﹐d利息好似依家咁平就無咩所謂，計你每年八厘息嗰陣就知味道。
回覆刪除大學生江湖救急，要去旅行、買名牌，唔洗還啦，香港大把錢！
回覆刪除欠債還錢，天經地義啦，使唔使免費俾你地讀書呀﹗呢樣野都未學識，點學人做社會主人翁﹖
回覆刪除而家樓、股齊鳴，大學生不如攞助學貸款去炒鑊金，可以仲有數維，輸咗最多咪破產。
回覆刪除