全城怒轟煲呔曾

早諗定下台藉口
煲呔曾今次都算大鑊喇！有團體將會喺聽日搞倒曾大遊行，喺報紙見到啲人連海報都出埋，呼籲大家當日齊齊喺禮賓府集合。坦白講，其實張海報都幾有創意㗎：一個煲呔喺上面，下面就係一個倒轉咗嘅「曾」字，遠望埋去似足一個苦口苦面戴眼鏡嘅人倒轉咗咁。
依家好多人都同意，話煲呔曾仲衰過老董，起碼老董只係衰無能，冇利益輸送吖嘛。但計我話，大家咁諗實在太睇小煲呔曾，起碼煲呔曾聰明好多，佢初初上台時已經講到明，自己飽受骨刺之苦，做好晒鋪排工夫，要起藉口上嚟，劇情都冇咁犯駁。