得把口講㩒實荷包
「光纖之父」高錕獲諾貝爾物理學獎，煲呔曾即刻發表聲明話係「香港驕傲」。之但係如果香港教育制度真係咁厲害，高錕又使乜遠赴英國深造？香港又係咪應該產生好多頂級科學家呢？
老實講，高錕話晒喺香港讀過書、做過校長，今次港府抽水都算近磅㗎喇。講開又講，豪伯係廣東高要人，大家都係「高」，唔知我可唔可以話高錕攞獎係「高字輩」嘅驕傲呢？
要真正發展科學，唔係口頭佔吓便宜就得，不如實實際際攞錢出嚟資助科研啦，我哋祖國每年投放喺科研嘅錢佔總產值百分之一點五，香港得百分之零點八咋陰功！仲話創新科技係六大優勢產業喎，笑死人啦！
skip to main |
skip to sidebar
始終都係浸個鹹水香d﹐無計喇。
回覆刪除嘩，高錕喺香港讀中學已經抽哂水，讀埋大學的話，咪全香港都要放假三日﹖
回覆刪除香港人咁短視，邊有可能培養到科學家呀﹗其實各地人性格唔同，唔使一定勉強要有科學家個喎，你又試吓叫高錕炒股票呀，睇吓有冇我哋咁叻.....
回覆刪除高錕細個鍾意自己造「泥炸彈」，但係香港有o靚仔自己做實驗就畀人鬧爆，仲發乜鬼展科學呀﹖
回覆刪除而家喺科學界有突破性發展我諗冇乜可能啦…如果真係有人可以喺科學界有突破性發展，我諗佢都去左其他國家交流、繼續周圍見識下啦…
回覆刪除