各位Blog友，由於《太陽報》改版關係，「任意網為」將暫停刊出，感謝你們一直以來的支持，Thanks...

睇八卦雜誌害處多

英國有調查指出，睇得八卦雜誌多原來有好多害處，但並唔係令到閣下既思考能力退化，而係令人飲食失調，睇得多，可能會出現過度節食，暴飲暴食甚至係扣喉嘔吐之類行為。吓？睇鹹濕嘢多會生眼挑針就聽過啫，話會嘔就真係新奇啲喎﹗
歡迎發表意見，22/6 刊於《太陽報》「任意網為」欄目內(截稿時間為21/6 5:00pm)

哈利波特魔法園開幕

美國佛羅里達州奧蘭多環球影城既哈利波特魔法世界主題公園，喺當地時間周五（本港時間周六凌晨）正式開幕。一如既往，各位捧開《太陽報》場既讀者，又係全香港最先知先覺既人，事關我哋再次跑贏全港報章，率先同大家報道呢個消息﹗
歡迎發表意見，21/6 刊於《太陽報》「任意網為」欄目內(截稿時間為20/6 5:00pm)

醫院又洩病人資料

明愛醫院又有新聞。呢，之前咪發生咗一單見死不救事件既，個急症部門主管最近打甩咗，唔使受處分；眼科部門一部存放喺已經上鎖房內，等待銷毀既的電腦硬碟機又不翼而飛，硬碟內3千幾名眼科病人既資料唔見咗……嘩﹗仲有邊個敢去明愛求醫呀？
歡迎發表意見，20/6 刊於《太陽報》「任意網為」欄目內(截稿時間為19/6 5:00pm)

曾余辯

曾余辯完咗，大家點睇？覺得邊個表現好啲？對政制向前發展又有冇幫助呢？
歡迎發表意見，19/6 刊於《太陽報》「任意網為」欄目內(截稿時間為18/6 5:00pm)

脆片零食脂肪爆燈

消委會調查發現，有九成脆片零食含高脂肪其中一款所含反式脂肪更較成人每日建議攝取量多出達六倍，產品聲稱「不含反式脂肪」或「低鹽」，脂肪及鈉含量一樣超標!所謂「脆片」零食，即係卜卜脆哥啲零食，好似話係蝦片呀、薯片呀諸如此類。嘩，呢排大家一路睇波一路隊零食，真係要小心啲咯……

歡迎發表意見，18/6 刊於《太陽報》「任意網為」欄目內(截稿時間為17/6 5:00pm)

領匯清潔工時薪可恥

最低工資拗餐懵，廿蚊張被人鬧到暈，但係原來領匯既清潔工時薪得十八蚊，問你死未？

歡迎發表意見，17/6 刊於《太陽報》「任意網為」欄目內(截稿時間為16/6 5:00pm)

又塌樹

赤柱古樹砸死美少女事件幾乎重演。沙田尋日又冧樹，幾乎砸死一名單車客﹗嘩，唐唐個樹木辦到底搞乜架，咁都睇漏眼，唔通掛住起錨就乜都唔使做？
歡迎發表意見，16/6 刊於《太陽報》「任意網為」欄目內(截稿時間為15/6 5:00pm)

facebook死亡預告

有位會考生係facebook向女友箍煲，並且發出最後通牒，警告對方如果唔回心轉意既話，就會「自動消失」，結果有人仍然不以為意，最終真係搞出悲劇。
唉﹗又話facebook可以拉近人與人之間關係，點解仍然阻止唔到呢單慘劇架？
歡迎發表意見，14/6 刊於《太陽報》「任意網為」欄目內(截稿時間為13/6 5:00pm)

四年一度世界盃開鑼

四年一度既世界盃就快開鑼，各位球迷又要捱更抵夜追波睇……不過冇緊要啦，你老細，同你老細個老細，分分鐘都係球迷，或者都會忍你烏眉恰睡一個月既﹗
歡迎發表意見，13/6 刊於《太陽報》「任意網為」欄目內(截稿時間為12/6 5:00pm)

平價海鮮餐

成日話依家物價貴，其實只要識碇，通街都有平野食，好似話幾十蚊都可以食到海鮮餐喎，嘩，係真唔係呀？
歡迎發表意見，12/6 刊於《太陽報》「任意網為」欄目內(截稿時間為11/6 5:00pm)

黃金商舖

一項研究發現，今年首季香港鋪位呎租排行全球第三位，僅次於悉尼同紐約。照咁睇，咪又有大條道理再壓低啲個最低工資？
11/6 刊於《太陽報》「任意網為」欄目內(截稿時間為10/6 5:00pm)

太陽革命

《太陽報》大革新，將一改暢銷報章搶早紙嘅傳統，將時間延遲，包羅更多最快最新既資訊。呢個革命已經初嘗勝果嘞，呢嗱，學友全家中招染腸病毒呢單堅料，就係《太陽報》獨家新聞啦﹗所以各位網友，記得繼續支持呀﹗

歡迎發表意見，9/6 刊於《太陽報》「任意網為」欄目內(截稿時間為8/6 5:00pm)

起錨爛騷

煲呔曾話政改「玩鋪勁」肯定係搵笨，但係佢個起錨爛show，就真係屢敗屢，大有一副豁出去既架勢，呢嗱，佢尋日(6月5日)又拉大隊周圍sell嘢啦。問題係，貨品咁爛，點sell都冇用啦﹗

歡迎發表意見，8/6 刊於《太陽報》「任意網為」欄目內(截稿時間為7/6 5:00pm)

造假奶粉

啲無良商人愈嚟愈叻，搞到為人父母既，買奶粉都要打醒十二分精神。內地有奸商收購啲日本名牌奶粉罐番嚟，再裝入不明來歷既粉粉，啲人見到日文招牌，仲唔仆到去買咩﹗
歡迎發表意見，7/6 刊於《太陽報》「任意網為」欄目內(截稿時間為6/6 5:00pm)

女人非禮女人

最近有單有趣新聞，有個女OL被控非禮女同事，最終被判罪名成立。吖，豪伯不禁有少少好奇，如果最終判佢入獄，咁唔知係懲罰抑或係獎勵呢？

歡迎發表意見，6/6 刊於《太陽報》「任意網為」欄目內(截稿時間為5/6 5:00pm)

風水列國家非物質文化遺產

內地準備將風水列國家非物質文化遺產，弘揚中國文化當然真係好事啦，但係有一個問題喎︰到底所謂「風水」係乜嘢呢？到底有冇一套好客觀既標準先？
歡迎發表意見，5/6 刊於《太陽報》「任意網為」欄目內(截稿時間為4/6 5:00pm)

淫師滿街

唔知大家有冇發覺，最近發生咗好多宗涉及老師既風化案件，而且唔少都係涉嫌搞啲學生。嘩，真係世風日下，道德淪亡呀﹗
歡迎發表意見，4/6 刊於《太陽報》「任意網為」欄目內(截稿時間為3/6 5:00pm)

非法賭波有冇得冚？

世界盃就快開鑼，警方尋日高調召開記者會，強調會加強打擊網上非法賭波。大家諗吓嗰陣時一單淫照事件，已經暴露出警方網上執法既能力。大家對警方呢輪打網上非法賭波，又有冇信心呢？
歡迎發表意見，2/6 刊於《太陽報》「任意網為」欄目內(截稿時間為1/6 5:00pm)

潮語新用

大家唔好以為「潮語」淨係可以扮in，同埋可以應該公開考試，原來仲可以幫助撲滅罪行。海關最近搗破一個販賣盜版光碟既網站，就係靠派出臥底同目標人物扮熟，方法係經常講「潮語」，等對方以為佢係「無知少女」同埋「電車男」，咁先可以拉到人……
歡迎發表意見，1/6 刊於《太陽報》「任意網為」欄目內(截稿時間為31/5 5:00pm)

起錨

煲呔曾同成班高官出街宣傳政改，仲高叫「起錨」口號，寓意政制向前走添﹗嘩，佢唔係咁高估自己受歡迎程度呀？小心一陣起錨變「拋錨」呀﹗

歡迎發表意見，31/5 刊於《太陽報》「任意網為」欄目內(截稿時間為30/5 5:00pm)

明報真好玩

明報真係「好睇」，喺度講個秘密過網友們聽。豪伯平時都鍾意睇吓呢個嘢。唔係因為佢係咩「公信第一」，而係追開佢「更正與澄清」欄目。好似最近咁呀，佢哋竟然將「雷米金盃」同「大力神盃」撈亂咗，真真有趣。
歡迎發表意見，30/5 刊於《太陽報》「任意網為」欄目內(截稿時間為29/5 5:00pm)

撞胸阿叔橫行

本報智破觀塘「撞胸阿叔」，協助警方拉人，可以話係社區除一害，大快人心。原本以為觀塘區婦女可以鬆一口氣啦，點知有懷疑有人唔知衰，竟然跟住嚟做，結果被拉上差館添﹗

歡迎發表意見，29/5 刊於《太陽報》「任意網為」欄目內(截稿時間為28/5 5:00pm)

變態盆景貓

「盆景貓」，即係將隻貓放入一個樽內，齋聽已經覺得變態，點知原來真係有人buy。某名人喺外國留學個女，喺微博自爆訂購咗「盆景貓」，仲話聽日有貨添，件事傳咗出嚟即係引發眾怒，唉，早知如此，何必當初呢？

歡迎發表意見，28/5 刊於《太陽報》「任意網為」欄目內(截稿時間為27/5 5:00pm)

暴力校園

有大學同社福機構進行研究，了解本港校園暴力情況，結果竟現發現有七成受訪者被暴力欺凌，一半學生更加因為咁樣唔敢返學；調查又發現男生比女生更易受性騷擾，問題似乎都幾嚴重喎……
歡迎發表意見，26/5 刊於《太陽報》「任意網為」欄目內(截稿時間為25/5 5:00pm)

後生仔不識食鬼

唔經唔覺，經典電玩「食鬼」啱啱過咗三十歲生日，Google為咗慶祝，將個logo化身為「食鬼」遊戲，仲畀用家即時玩添，點知竟然接到投訴喎。豪伯開頭以為梗係啲人投訴話掛住玩嘥哂啲時間啦，原來多數都係話唔知個logo變到花呢碌代表乜嘢，仲以為自己部腦中毒添。乜三十年前既遊戲真係out哂？
歡迎發表意見，25/5 刊於《太陽報》「任意網為」欄目內(截稿時間為24/5 5:00pm)

頭文字D

終於喺youtube睇咗哥段題為《fd2~~大欖隧道》既短片。嘩﹗架私家車時速超過240公里？係真唔係呀？我見佢過其他車都唔係好快咋喎，除非喺佢前面啲車都有180km/h啦﹗

歡迎發表意見，24/5 刊於《太陽報》「任意網為」欄目內(截稿時間為23/5 5:00pm)

女教師一定要著裙？

有教師去平機會投訴，話校方規定女教師要著裙唔公平。有啲老師尋日打上電台，話學校冇電梯，著裙上落好唔方便，但係校方一定要佢著，你哋又點解呢？
有啲好奇，如果有學校規定唔畀男教師著裙，係咪又公平番呢？
歡迎發表意見，23/5 刊於《太陽報》「任意網為」欄目內(截稿時間為24/5 5:00pm)

港鐵加價

港鐵唔理反對聲音，堅持如期喺下個月十三號起加價百分之二點零五，而政府啱啱公布既收據亦都顯示，本港通脹率有上升跡象，睇嚟小市民都係有排捱咯……
歡迎發表意見，22/5 刊於《太陽報》「任意網為」欄目內(截稿時間為21/5 5:00pm)

港府唔識Mycar係寶

港產電動車Mycar揚威國際，不但打入美國市場，仲獲丹麥環保旅遊島引入。好笑既係，港府之前一直對Mycar冇乜興趣，點知邱騰華尋日即刻撲出嚟，話港府有興趣訂購，可惜你急人地唔急，而家人哋主要市場喺歐美，唔再吼香港市場囉……
歡迎發表意見，20/5 刊於《太陽報》「任意網為」欄目內(截稿時間為19/5 5:00pm)

害人孖仔燈

沙田大涌橋路發生奪命車禍，成架小巴飛埋落隧道，聽聞係可能有人睇錯燈累事，據聞係有司機睇錯「孖仔燈」而出事。所謂「孖仔燈」，即係同時附有直去及左/右轉燈號既交通燈，司機唔熟路隨時睇錯。大埔今年三月都曾經發生過類似交通意外，政府又唔係冇錢，點解唔將全港「孖仔燈」轉為獨立燈號呢？

歡迎發表意見，19/5 刊於《太陽報》「任意網為」欄目內(截稿時間為18/5 5:00pm)

消防養狗階級化

唔講唔知，消防員宿舍原來係唔畀養狗既，不過就只限散仔，長官就不在此限。吖，唔知消防員被發現養狗的話，會唔會好似公屋咁要實行扣分制，扣滿分要畀人peng走呢？
歡迎發表意見，18/5 刊於《太陽報》「任意網為」欄目內(截稿時間為17/5 5:00pm)

Google收集私隱

Google搞既立體地圖確係幾過癮，但係原來佢哋既街景拍攝車過去幾年喺全球各地拍攝期間，意外經wifi收集咗未經加密既個人資料，Google方面已經承認出錯同埋道歉，並且應承盡快刪除所有數據。
歡迎發表意見，17/5 刊於《太陽報》「任意網為」欄目內(截稿時間為16/5 5:00pm)

坐到屁股開花

話人踎監踎到屁股開花就聽得多，原來坐電腦凳都可以坐到爆炸，炸傷人個屁股，你話係咪得人驚呀？
歡迎發表意見，16/5 刊於《太陽報》「任意網為」欄目內(截稿時間為15/5 5:00pm)

風水鬥法

兩大風水師反目，呢單嘢其實好有趣。其實計我豪伯話齋，要驗證一個風水師準唔準，與其由個官判，不如科學化啲，叫佢哋預測一下一個月之後既恆指，以最貼近實際水平嗰個為勝方咪得囉……
歡迎發表意見，14/5 刊於《太陽報》「任意網為」欄目內(截稿時間為13/5 5:00pm)

Twitter大整蠱

Twiter被踢爆有bugs，可以令到任何人都成為你既追隨者。聽落又好似幾過癮咁喎，如果你有玩開，又希望邊個成為你既追隨者呢？
歡迎發表意見，14/5 刊於《太陽報》「任意網為」欄目內(截稿時間為13/5 5:00pm)

港生中文包尾

本港學生語文能力屢被批評每下愈況，有語言學者去年比較香港、上海及廣西三地大學生的中國語文能力，結果本地大學生包尾。咦，之前香港學生英文水平都畀人話低架啦，咁咪即係中又唔掂、英又唔得？
歡迎發表意見，12/5 刊於《太陽報》「任意網為」欄目內(截稿時間為11/5 5:00pm)

特首老婆寵家臣

煲呔曾用人唯親就係人都知，有傳佢夫人寵愛一名禮賓府助理文書主任，任期超過六年唔調職，預料做到曾蔭權任滿至走人。
唉，其實呢個問題好易拆啫，只要煲呔乾脆將呢個職位轉為問責官員，好似副局政助咁政治委任咪得囉﹗
歡迎發表意見，11/5 刊於《太陽報》「任意網為」欄目內(截稿時間為10/5 5:00pm)

污染大國崛起

仲記唔記得前排內地既沙塵暴飛到周圍係，連日本都瀨嘢呀？澳洲一項「全球十大污染最嚴重國家名單」調查，中國榜上有名，而且仲係三甲之一添﹗

歡迎發表意見，10/5 刊於《太陽報》「任意網為」欄目內(截稿時間為9/5 5:00pm)

假波風暴

本地足球假波風暴愈演愈烈，再有多名球員牽涉在內。豪伯反而搞唔明一樣嘢，香港足球有幾多人睇呀，值得咁大費周章、冒咁大風險去賄賂球員咩？要賭，大家賭吓牙較，打吓手掌咪算數囉﹗
歡迎發表意見，9/5 刊於《太陽報》「任意網為」欄目內(截稿時間為8/5 5:00pm)

港生報考牛津有優勢？

牛津大學新任校長Hamilton表示，本港學生如果喺中學文憑試考獲5級或5*級成績，喺報考牛津大學時會有很大競爭力。不過佢提醒學生，除咗良好英語能力外，具創意及批判思想亦很重要。
嘩，連牛津大學校長都讚香港學生醒，睇嚟港府真係要借機大事宣傳一番喎﹗
歡迎發表意見，8/5 刊於《太陽報》「任意網為」欄目內(截稿時間為7/5 5:00pm)

警方手銬合法化

警方之前強調用手銬，只係適用於被捕人士，點知最近又改口，話喺兩種情況，即係懷疑有人精神紊亂，同埋履行警隊職責維持公安同防止有生命同財產受損時，都可以用手銬……咁搞法，容乜易濫權架？

7/5 刊於《太陽報》「任意網為」欄目內(截稿時間為6/5 5:00pm)

稅局局長自己名都讀錯

稅局局長朱鑫源話自己名裡面個「鑫」應該讀「蔭」，仲笑笑口咁話呢個字有好多讀音，好多人都會讀錯。點知記者問番語言學者，至知原來個「鑫」字原來得一個讀音，就係讀「陰」字，即係話，讀錯既唔係別人，正正係朱局長自己喎﹗你哋話係咪笑爆嘴呢？
歡迎發表意見，6/5 刊於《太陽報》「任意網為」欄目內(截稿時間為5/5 5:00pm)

性奴遺書

「起來，饑寒交迫的奴隸」……勞動節啱啱過，唔好以為香港雖然冇澳門咁激，原來都有人響應《國際歌》呢句歌詞……之唔係不滿自己畀女友當性奴憤而寫遺書，惹來自殺疑雲嗰個哥仔囉﹗
歡迎發表意見，5/5 刊於《太陽報》「任意網為」欄目內(截稿時間為4/5 5:00pm)

蝸居一族

本港樓價瘋漲，好多人打十年工，都買唔起樓，要買都好可能要屋企人幫。至於班岩岩出嚟做嘢既後生仔自然更慘。佢哋有幾憤怒？大家可以從尋日既《城市論壇》節目裡面，佢哋有幾咁激進，可見一斑嘞……

歡迎發表意見，4/5 刊於《太陽報》「任意網為」欄目內(截稿時間為3/5 5:00pm)

代客綁鞋帶

大家冇睇錯，內地的確興起呢個服務。原來而家啲o靚仔好多都係獨生子女，自理能力好差，結果有啲連綁鞋帶都唔識。呀，唔知代客扣鈕又有冇得做呢可？
歡迎發表意見，3/5 刊於《太陽報》「任意網為」欄目內(截稿時間為2/5 5:00pm)

世博開幕

世博今日正式開幕，呢場維時半年既大龍鳳會唔會成功，而家都係言之尚早，但係一係波就有單好笑嘢。話說江蘇一個貧困縣斥資上千萬，打造咗一個山寨版中國館，但係有人話中國館本身都係山寨人哋日本嘢，咁如果要告侵權既話，應該係世博主辦單位提出呀，抑或係日本方面提出呢可？

歡迎發表意見，2/5 刊於《太陽報》「任意網為」欄目內(截稿時間為1/5 5:00pm)

電腦抑鬱症候群

有外國研究發現，電腦壞機呀、 開機時間慢等技術故障，可以令人患上一種叫做「電腦抑鬱症候群」既症狀……講到咁複雜，同講話令人好「忟」，到底有咩分別呢？
歡迎發表意見，1/5 刊於《太陽報》「任意網為」欄目內(截稿時間為30/4 5:00pm)

櫃員機黨

早前有櫃員機多數客戶25蚊「國際交易費」，家陣又話有櫃員機黨，直頭偷取埋客戶既提款卡密碼，銀行又唔保障客戶，金管局又闊佬懶理，睇嚟市民都係轉番最傳統既方法，去銀行打簿，又或者用番月餅罐實際啲咯……
歡迎發表意見，30/4 刊於《太陽報》「任意網為」欄目內(截稿時間為29/4 5:00pm)

教師自殺

有女教師上堂途中突然跳樓自殺，真係令人遺憾。為人師表，點解都咁睇唔開呢？又點教學生要有抗逆力呀？

歡迎發表意見，28/4 刊於《太陽報》「任意網為」欄目內(截稿時間為27/4 5:00pm)

上網自我形象低?

有團體展開少女魁力素質調查，發現少女普遍對自己既體態同外表評分甚低。呢個唔出奇呀，女仔梗係貪靚。有趣既係，調查又話女生上網時間愈長，自我形象會愈低喎。兩者到底有咩因果關係呢？真係搲爆頭都搞唔明喎……
歡迎發表意見，27/4 刊於《太陽報》「任意網為」欄目內(截稿時間為26/4 5:00pm)

末代會考生

今屆最後一屆會考，末代會考生前路茫茫，確係值得關注，點知考評局到最後都唔肯放過佢哋。有應考聆聽既學生投訴，紅外線耳筒接收不清。喂，呢個問題好似講咗好多次，點解仲係冇改善？
不過另一個投訴就有啲無厘頭。有人竟然投訴試卷內容太深，似高考程度喎﹗吓，咁都得？
歡迎發表意見，26/4 刊於《太陽報》「任意網為」欄目內(截稿時間為25/4 5:00pm)

Ruby教英文

中學生Ruby教大家英文既正確發音，並且踩盡身邊所有人既英文，相信如果睇過呢條片既網友，都知豪伯講緊乜，唔知既話，可以立即click入下列呢條link睇一睇…
http://www.youtube.com/watch?v=KQ69QJ5oS5I
嘿，邊個話香港學生既語文水準日漸低落架﹗
歡迎發表意見，25/4 刊於《太陽報》「任意網為」欄目內(截稿時間為24/4 5:00pm)

要求盡快成立動物警察

facebook發現有一個叫做「要求盡快成立動物警察」既群組，起初以為邊種動物咁威，可以幫手維護法紀，睇真啲，原來係呼籲成立一個網上平台，收集全香港的虐殺動物黑點，及案件詳情，讓警方了解成立動物警察的迫切性。
呢個建議幾好呀，群策群力，起碼對嗰啲虐待動物既變態之徒應該有少少阻嚇作用﹗
歡迎發表意見，24/4 刊於《太陽報》「任意網為」欄目內(截稿時間為23/4 5:00pm)

中樂團被指浪費公帑

審計署最新報告，批評香港中樂團管理混亂，部份樂師實際工作時數比規定要求少四成，咁都唔止，報告亦話佢哋表演送飛冇監冇管，行政人員出訪時亦會選坐商務客位，住酒店就高於規定既規格……咦，乜咁熟口熟面，咁似平機會既？
歡迎發表意見，23/4 刊於《太陽報》「任意網為」欄目內(截稿時間為22/4 5:00pm)

Touch芒Touch出醜

唐唐去上海參觀世博香港館，梗係要做吓show。佢參觀香港館，嘗試使用互動裝置，點知撳其中一個輕觸式屏幕裝置既時候，竟然要等幾秒鐘至有反應，認真瘀皮﹗
歡迎發表意見，21/4 刊於《太陽報》「任意網為」欄目內(截稿時間為20/4 5:00pm)

港式咖啡王

港式咖啡王大賽，結果由嚟自深圳既參賽者勝出，第二、三名就由便利店既阿姐奪得。豪伯覺得咁樣係好事。第一，證明香港茶餐廳文化已經衝出香港，影響埋內地；第二，絲襪奶茶既一手絕活，已經深入民心，成為家傳戶曉既「港技」。
特區政府收到未呀？仲唔快啲做嘢，將港式茶餐廳申請為非物質文化遺產﹗
歡迎發表意見，20/4 刊於《太陽報》「任意網為」欄目內(截稿時間為19/4 5:00pm)

冰島火山大爆發

冰島火山爆發愈嚟愈勁，估計癱瘓歐洲至全球各地航空，影響將長達半年之久。大自然威力無窮，睇怕恐怖分子發動恐襲，都無可能令航空交通停超過三日啦……

歡迎發表意見，19/4 刊於《太陽報》「任意網為」欄目內(截稿時間為18/4 5:00pm)

蒼井空掀翻牆熱

內地對網絡嚴格管制，好多網上唔到，要上就要避過官方監察，即係「翻牆」至得。但係最近內地網民掀起一股翻牆熱，但就唔係因為要睇官方認為敏感既資訊，而係要成為日本AV蒼井空微博既支持者，你話奇唔奇？
歡迎發表意見，18/4 刊於《太陽報》「任意網為」欄目內(截稿時間為17/4 5:00pm)

停車熄匙

吹水吹咗咁耐，當局終於宣布即將提交停車熄匙立法草案。睇吓個內容，竟然係乜野新嘢都冇，都係話小巴排隊頭五架可以豁免，所有車輛都可以每個鐘豁免三分鐘唔使熄匙。唉，大家一早都提醒政府啦，咁搞法一定大把爭拗，淨係三分鐘點計法都審死官。香港社會已經唔和諧啦，仲要惹民憤添煩添亂，呢個政府到底諗乜架？
歡迎發表意見，17/4 刊於《太陽報》「任意網為」欄目內(截稿時間為16/4 5:00pm)

亞視鹹魚翻生？

呢個亞視認真巴閉，啱啱至話有倒閉危機，轉個頭佢哋高層又話可以喺兩年內收支平衡，叫大家信邊個好呀？
歡迎發表意見，16/4 刊於《太陽報》「任意網為」欄目內(截稿時間為15/4 5:00pm)

南早蝦碌

《南華早報》出現極大既蝦碌。佢哋喺頭版出咗胡錦濤既相，但係圖片說明竟然寫成異見人士胡佳。嘩，你話寫錯成胡兵或者胡軍就話啫，咁寫錯法，未免敏感啲啩……
歡迎發表意見，15/4 刊於《太陽報》「任意網為」欄目內(截稿時間為14/4 5:00pm)

嫁個富二代

有調查發現，近六成廣州女大學生願意嫁畀「富二代」，原因係可以少奮鬥好多年喎……只能夠講，呢個世界好現實，「有情飲水飽」從年來都係一個神話囉……
不過咁，淨低哥四成又係咩諗法呢？莫非已經成功釣到金龜婿？
歡迎發表意見，14/4 刊於《太陽報》「任意網為」欄目內(截稿時間為13/4 5:00pm)

英泥虐貓

人類既創意係無限，可惜好多時用發揮咗喺錯誤既方面。好似天拿水咁，原本可以用嚟清潔，又可以開油，好使好用，點知有啲人竟然用嚟索。同樣道理，英泥係一種好常用既建築材料，點知有個別賤人，將佢嚟當虐待貓咪既工具，竟然將幾隻小花貓掟落英泥缸裡頭，簡直令人髮指呀﹗
歡迎發表意見，13/4 刊於《太陽報》「任意網為」欄目內(截稿時間為12/4 5:00pm)

滾水淥B

醫療失誤又有新猷，原來喺醫院沖涼都可能出事。瑪嘉烈醫院一名護士懷疑為一個三個月大男嬰沖涼既時候，冇試清水溫就將BB放落水，結果搞到男嬰下體同臀部二級燒傷。嘩，咁細個就成為公立醫院受害者，都咪話唔驚﹗
歡迎發表意見，12/4 刊於《太陽報》「任意網為」欄目內(截稿時間為11/4 5:00pm)

香港暴動？

有大學民調話香港已經唔係和諧社會，民怨瀕臨爆煲，更嚴重既係，有成四成一受訪者接受激進抗爭行為，當中有老有少，推斷全港大約有百五萬人有咁諗。嘩，咁搞法，香港會唔會暴動架？

歡迎發表意見，11/4 刊於《太陽報》「任意網為」欄目內(截稿時間為10/4 5:00pm)

聯航工潮

唔知點解，呢排啲航空公司好似約埋咁，一齊搞工業行動，國泰工潮啱啱落幕，聯航員工又爆工潮。不過聯航員工確係值得同情，佢哋啲航班經常出狀況，空服員買驚風散都要錢啦﹗

歡迎發表意見，10/4 刊於《太陽報》「任意網為」欄目內(截稿時間為9/4 5:00pm)

I Pad炒風

雖然有讚有彈，但係I Pad推出之後，已經出現炒風，好似話要成差唔多七千蚊。內地方面據聞個價去到八、九千蚊添﹗唔知大家覺得值唔值嘞﹗
歡迎發表意見，9/4 刊於《太陽報》「任意網為」欄目內(截稿時間為8/4 5:00pm)

礦難何其多

嗰頭山西王家嶺礦難救出生還者，嗰頭美國又發生嚴重礦難，最少25人死亡。如果冇記錯既話，中國礦產量佔全世界三成，但係礦難死亡人數就佔咗八成……唉…就算改變唔到安全，係咪起碼救援經驗豐富啲，技術應該係全球第一呢？
歡迎發表意見，8/4 刊於《太陽報》「任意網為」欄目內(截稿時間為7/4 5:00pm)

可樂殺精

丹麥大學研究終於證實咗一項都市傳聞，就係可樂真係可以殺精，各位網友，你哋信唔信邪呀？
歡迎發表意見，6/4 刊於《太陽報》「任意網為」欄目內(截稿時間為5/4 5:00pm)

國泰空服員或罷工

國泰空中服務員工會向資方發出「最後通牒」，揚言下周可能會展開工業行動。亦即係話，喺外地旅遊要返香港返工既朋友，就可能比較麻煩嘞，可能要左轉右轉至返到嚟，希望國泰勞資雙方可以快啲拆掂佢，唔好搞到啲乘客啦﹗
歡迎發表意見，5/4 刊於《太陽報》「任意網為」欄目內(截稿時間為4/4 5:00pm)

消防員降體能要求

消防處表示，由於過去3年投考消防員既考生體能測試合格率唔夠四成由今個月起降低投考門檻，放寬四項入職體能要求，包括以往最難的「負載下蹲」測試，即背負和自己體重相同的物件再蹲下的項目，改為立定跳高，而原有既一分鐘仰臥起坐要 求次數將會提升。
各位網友聽完之後會唔會考慮投身烈火雄心既行列呢？抑或擔心會影響消防員既服務質素？
歡迎發表意見，4/4 刊於《太陽報》「任意網為」欄目內(截稿時間為3/4 5:00pm)

逃學威龍續集

警察又憑「逃學威龍」建奇功，今次係喺屯門多間中學，拘捕咗幾十個學生，聽聞最細嗰個得十三歲，有個毒品拆家得十五歲添咋﹗嘩，咁都得，又話而家青少年係失業重災區？睇怕可能統計漏呢批人咋卦？
歡迎發表意見，3/4 刊於《太陽報》「任意網為」欄目內(截稿時間為2/4 5:00pm)

考評局考起考生

高級程度會考聆聽試問題多多，繼部分改用紅外線系統的聆聽試場爆出播放中斷後，使用傳統電台廣播系統的部分試場亦同樣嚴重接收不清。今次班考生真係畀考評局玩死﹗

歡迎發表意見，2/4 刊於《太陽報》「任意網為」欄目內(截稿時間為1/4 5:00pm)

醫者公母心？

公立醫院事故多多，唔係輸錯血、割錯乳，就係將病人身體當儲物櫃。原來私家醫院都唔係好好多。有孕婦喺私家醫院生仔，醫院開頭勸佢佢刮宮刮走個BB，好彩準媽媽冇聽到咋，而家個小朋友三歲幾，你話咁做醫生法，病人真係多得佢唔少啦﹗
歡迎發表意見，1/4 刊於《太陽報》「任意網為」欄目內(截稿時間為31/3 5:00pm)

高鐵多災多難

廣深港高鐵既廣深段將會喺今年十月廿八號通車，到時每程只需25分鐘。到時就只係剩番香港嗰橛未搞掂。唉，人哋內地基建就劍及履及如火如荼，反觀香港就好事多磨，大家話啦，香港段高鐵要搞到幾耐先通到車呢？
歡迎發表意見，31/3 刊於《太陽報》「任意網為」欄目內(截稿時間為30/3 5:00pm)

放天燈似放紙鳶

梅窩搞天燈節，本來幾有本土特色，據聞都吸引好多內地同外國遊客，可惜安排就混亂咗少少，有人反映話排幾粒鐘先至有得放，就算有耐性輪到，先發現原來唔可以將燈放上天飄走，要好似放風箏咁有繩連住……似乎有啲美中不足喎……
歡迎發表意見，30/3 刊於《太陽報》「任意網為」欄目內(截稿時間為29/3 5:00pm)

天價飛龍

之前香港個飛龍標誌成隻甩毛雞咁，畀人鬧到七彩，結果當局一度將佢摺埋，點知而家又話使多百幾萬「改良」個logo，點改法？原來只係加三劃嘢咁大把。喂，係咪玩嘢先？
歡迎發表意見，29/3 刊於《太陽報》「任意網為」欄目內(截稿時間為28/3 5:00pm)

成藥冇王管

又有中成藥出事，今次嗰隻係大家經常會服食既老字號品牌，仲check到有致癌藥添。成藥出事唔係咩新聞，之前都唔知發生過幾多次類似事件，但衰就衰在，今次據講出事藥廠一月就發現有問題，但係就冚埋冚埋，唔報畀衛生署知，直到新加坡話回收嘞，衛生署知識跟進，後知後覺到呢……

歡迎發表意見，28/3 刊於《太陽報》「任意網為」欄目內(截稿時間為27/3 5:00pm)

港鐵加價

港鐵宣布按票價可加可減機制，將於6月加票價，整體加幅2.05%。港鐵表示，在完成所須行政程序後，會發出正式通知，公布加價詳情。
喂，唔係卦，又話可加可價機制，幾時實牙實齒減過價呀？
歡迎發表意見，27/3 刊於《太陽報》「任意網為」欄目內(截稿時間為26/3 5:00pm)

酒樓部長也有假

而家呢個世界真係傻咗，連酒樓部長都有人假扮，從而攞咗顧客既信用卡或者現金，睇怕以後都係唔好亂咁爭住請客畀錢囉……
歡迎發表意見，26/3 刊於《太陽報》「任意網為」欄目內(截稿時間為25/3 5:00pm)

谷歌出招

谷歌喺中國話走又唔走，而家終於出招嘞，佢哋啱啱宣布停止審查Google.cn，又將個網直接連結去Google.com.hk，話歡迎來到谷歌喺中國既新家喎……睇嚟今次google係堅個喎﹗
歡迎發表意見，25/3 刊於《太陽報》「任意網為」欄目內(截稿時間為24/3 5:00pm)

香港沙塵暴

真係恐怖呀，香港都出現史上第一次沙塵暴，漫天風沙咁，空氣污染指數仲高到差唔多500添。真係唔明，點解天文台同環保署好似完全冇預警咁既？
歡迎發表意見，24/3 刊於《太陽報》「任意網為」欄目內(截稿時間為23/3 5:00pm)

露宿新趨勢

有社工組織調查發現，本港露宿者有三大趨勢，包括回流港人、在職貧窮同再露宿。嘩，有嘢做都要瞓街，咁仲點解咁辛苦打份牛工呢？
歡迎發表意見，23/3 刊於《太陽報》「任意網為」欄目內(截稿時間為22/3 5:00pm)

奀豬胎暗結

警犬「奀豬」早排離家出走，而家成件事終於真相大白嘞﹗原來佢出走時已經珠胎暗結，當時係出去尋找一個天然窩巢，用嚟保護即將出生既仔女。
唉，估唔到香港地唔單止人類難搵上樓，搞到通街無殼蝸牛，原來呢狗搵竇口都咁頭痕……
歡迎發表意見，22/3 刊於《太陽報》「任意網為」欄目內(截稿時間為21/3 5:00pm)

非主流九十後

內地網絡最近流傳一段名為「九十後非主流賣身求榮」既短片，有個自稱今年十六歲既小妹妹，竟然話身邊朋友個個都破咗處，擔心自己變「老姑婆」，於是出錢請人幫佢破處，仲將整個過程放上網添。嘩﹗乜而家啲後生真係咁開放？
歡迎發表意見，21/3 刊於《太陽報》「任意網為」欄目內(截稿時間為20/3 5:00pm)

內地潲水油

內地食品工業又有新猷，今次係從渠道撈番出嚟循環再用既潲水油。雖然專家話毒性比砒霜強一百倍，但係老實講，而家內地食品樣樣都話有害，潲水油都算比較環保啦﹗
歡迎發表意見，20/3 刊於《太陽報》「任意網為」欄目內(截稿時間為19/3 5:00pm)

空姐工業行動

有航空公司既空姐不滿新編更制度，打算發起工業行動。工業行動唔奇，而家好多國家都有航空公司鬧工潮，但係據講呢間航空公司有員工透過facebook組織動員群眾。如果真係成事，又會唔會揭開工運新一頁呢？不過話時話，佢哋準備屧紅色指甲同戴口罩抗議，到底同佢哋爭取既議題有咩關係呢？
歡迎發表意見，19/3 刊於《太陽報》「任意網為」欄目內(截稿時間為18/3 5:00pm)

忽然保育

永利街又話唔使拆嘞。嘩，真係一個獎改變咁大？如果係咁樣，不如索性搵德國啲青少年(係佢哋頒獎畀《歲月神偷》既)嚟做高官啦﹗之前皇后瑪頭、天星小輪嘈到拆天，又唔見你聽吓民意？
唉，唯有希望香港政府「覺今是而昨非」啦﹗
歡迎發表意見，18/3 刊於《太陽報》「任意網為」欄目內(截稿時間為17/3 5:00pm)

食即食麵咪飲湯

消委會測試市面48款即食麵，發現大部份的鈉含量及總脂肪都偏高，可能導至高血壓及其他心臟病。其中有啲更超過每日攝取量標準一半。消委會建議市民，小心選擇即食麵，要留意營養標簽，盡量少用調味湯包同唔好飲湯。
嘩，成個即食麵既精華，就係在於個湯包同啲湯，要避開哂，咁不如索性唔好食啦﹗呢樣又話有害嗰樣又話致癌，就嚟飲水都話有毒啦﹗
歡迎發表意見，17/3 刊於《太陽報》「任意網為」欄目內(截稿時間為16/3 5:00pm)

微軟老細怒搶員工iphone

早排湖北省長李鴻忠鬧記者，仲搶埋對方支錄音筆，結果惹咗眾怒，有人要求佢道歉辭職，但其實大家可能怪錯咗佢，其實一個人嬲起上來，自然會失去理性。話說微軟舊年9月開職員大會，會上有人用iPhone為總裁保曼影相，保曼當堂火都嚟埋，一嘢搶咗個iPhone，仲放喺地下作勢要踩爛添﹗所以話啫，李省長比起上嚟，算係溫文爾雅架啦﹗
歡迎發表意見，16/3 刊於《太陽報》「任意網為」欄目內(截稿時間為15/3 5:00pm)

BBC教員工用facebook

BBC開班教員工用Facebook，聽聞兩日課程每人要使成50鎊。同埋到底有咩學要咁貴呢？又包唔包埋教啲人喺Facobook度扮自己係single呢？
歡迎發表意見，15/3 刊於《太陽報》「任意網為」欄目內(截稿時間為14/3 5:00pm)

整容潮年輕化

早前港大有個男生為咗滿面暗瘡而自殺，震驚全城。原來家陣年輕人愈嚟愈注重自己容貌，整容已經有年輕化趨勢，據講有小學五年級十歲o靚好就走去光顧整容醫生，你話係咪得人驚呀？
歡迎發表意見，14/3 刊於《太陽報》「任意網為」欄目內(截稿時間為13/3 5:00pm)

大學公務員減薪

薪常會公布政府入職薪酬調查，以後大學生打政府工，月薪至少減二千。老實講，呢吓真係典型既無良僱呀。雖然公務員始終係薪高糧準，恨得唔少人牙癢癢，但係政府咁做，心態無非係恰新入職既o靚仔，擺到明係話︰咁唔妥唔好嚟求我畀份工你囉，反正你唔做大把人做。唉，又唔見佢哋郁啲舊人﹖一句到尾，欺善怕惡啦﹗
歡迎發表意見，13/3 刊於《太陽報》「任意網為」欄目內(截稿時間為12/3 5:00pm)

超級乳豬仔團

一個有二十四名菲律賓人的港澳旅行團，昨傍晚抵達赤鱲角機場後，團員發覺無本港旅行社代理接機，一行滯留機場慘變「豬仔團」。嘿嘿，話明旅遊，最重要梗係體驗當地文化同風土人情啦，今次仲唔畀佢哋見識吓中國人呃人既利害﹗如果去埋內地旅遊，肯定仲有機會見識埋博大精深既「化學品飲食文化」添呀﹗
12/3 刊於《太陽報》「任意網為」欄目內(截稿時間為11/3 5:00pm)

太平洋垃圾島

每年年宵之後，維園都會留下大量垃圾，唔好以為呢個場面已經好觸目驚心，原來全太平洋最大既垃圾島，面積足足有成一千個香港咁大。呢個垃圾島係由人類棄置既膠袋、膠樽同鋁罐等垃圾組成，六十年累積之下就成為呢個壯觀場面，問你怕未？
11/3 刊於《太陽報》「任意網為」欄目內(截稿時間為10/3 5:00pm)

電視台風雲

亞視兩個股東互片，老實講，真係好好睇，呢單嘢睇嚟仲有排玩，大家不妨繼續留意事態發展。豪伯就只係覺得，亞視之前決定唔再自己拍劇，實在非常明智。呢套劇如果搬上電視螢幕，收視爆硬﹗
歡迎發表意見，10/3 刊於《太陽報》「任意網為」欄目內(截稿時間為9/3 5:00pm)

觀音開庫

11號星期四係觀音借庫既大日子，今年有人搞搞新意思，喺旺角行人專用區開設「分行」，等人可以就腳啲容易借到錢，又有人開始網上借庫服務……不過咁喎，咁無誠意，觀音係咪真係肯幫手架？
歡迎發表意見，9/3 刊於《太陽報》「任意網為」欄目內(截稿時間為8/3 5:00pm)

唐唐畀人掟鞋

好嘢﹗香港政治人物終於同國際接軌嘞﹗唐唐今日出席青少年論壇既時候，有後生仔向佢掟鞋抗議，只見佢氣定神閒，並無驚惶失惜，唔通唐唐已經晉身布殊既段數？不過諗諗吓，會唔會只係嗰個後生仔冇乜準繩度，距離目標太遠呢？
(歡迎發表意見，8/3 刊於《太陽報》「任意網為」欄目內(截稿時間為7/3 5:00pm)

司機都要驗毒？

大埔校園驗毒試行計劃虎頭蛇尾，當局話唔打算擴展去其他區既學校，點知家陣又話打算搞司機驗毒，唔知又會唔會好似校園驗毒計劃咁，又話侵犯私隱，又要求係自願性質呢可？
(歡迎發表意見，7/3 刊於《太陽報》「任意網為」欄目內(截稿時間為6/3 5:00pm)

內地食品安全點搞？

喺內地食嘢真係一步一驚心，而家連豆角咁平既野都話有毒，問你怕未？學者鍾南山話改革制度，指定一個部門管理食品安全，就可以根治問題喎，各位又信唔信真係work呢？
歡迎發表意見，6/3 刊於《太陽報》「任意網為」欄目內(截稿時間為5/3 5:00pm)

大學生自殺風

唔知點解，呢排發生好多大學生自殺既不幸事件。先有科大碩士生跳樓，再有港大生吊頸。唉…後生遙遙，大把前途，因乜事咁睇唔開呀？
歡迎發表意見，5/3 刊於《太陽報》「任意網為」欄目內(截稿時間為4/3 5:00pm)

馬路如虎口

虎年有好多祝賀語句，但係千祈唔好漏咗「馬路如虎口」呢一句警告字句。呢嗱，尋日一個小巴司機突然發羊吊，釀成一死五傷慘劇，仲有之前白車危駕幾乎撞死人……新正頭發生呢啲嘢，你都咪話唔邪門…
歡迎發表意見，4/3 刊於《太陽報》「任意網為」欄目內(截稿時間為3/3 5:00pm)

地獄馬拉松

一年一度既香港馬拉松啱啱結束，唔知點解今年會搞到咁大鑊，有好多跑手跑到入廠，有幾個更幾乎一命嗚呼添﹗到底係香港賽道特別艱辛，根本非常人能應付，抑或係我哋香港既體質寧捨孱弱呢？

歡迎發表意見，3/3 刊於《太陽報》「任意網為」欄目內(截稿時間為2/3 5:00pm)

警隊又爆醜聞

警隊又爆醜聞﹗繼水警歎海鮮後，灣仔警署日前又被爆以賀新春為由，大搞啤酒派對，短短時間掃光左過百支啤酒。唉……香港警察不如轉行旅遊大使，宣傳香港既好飲好食既地方仲好過。
歡迎發表意見，2/3 刊於《太陽報》「任意網為」欄目內(截稿時間為1/3 5:00pm)

煲呔曾衰過老董

某雜誌進行調查，了解香港人對名人同眾多行業既信任度究竟有幾高，結果發現曾蔭權排名尾四，比董建華仲要低四位。至於行業方面，立法會議員喺四十個行業裡面僅排名三十，可信程度低過廚師及髮型師，近期屢涉官非的算命師更加係包尾大幡。
歡迎發表意見，1/3 刊於《太陽報》「任意網為」欄目內(截稿時間為28/2 5:00pm)

世界盃冇波睇

今年又到世界盃開鑼，今年由有線電視轉播賽事，點知佢哋話連開幕同決賽等四場賽事，但要由佢哋既免費台第1台嚟播。咁搞法，咪隨時連一場免費波都睇唔到囉……
歡迎發表意見，28/2 刊於《太陽報》「任意網為」欄目內(截稿時間為27/2 5:00pm)

師奶富婆

好多人覺得叫人師奶好似唔係好尊重咁，但係其實家陣既師奶，一啲都唔簡單。根據統計，全港四十萬個百萬富翁裡面，近一半都係退休人士同家庭主婦，我都要做師奶呀﹗
歡迎發表意見，26/2 刊於《太陽報》「任意網為」欄目內(截稿時間為25/2 5:00pm)

熄燈一小時

27號就係一年一度既熄燈一個鐘環保大行動。據香港既主辦單位講，估計當日有三百萬港人支持，真係咁勁？除咗熄燈，原來仲有好多減碳招數，好似話拒絕備用電器、縮短四分一洗澡時間、少用即棄餐具、多菜少肉等，大家會唔會跟呢？
歡迎發表意見，25/2 刊於《太陽報》「任意網為」欄目內(截稿時間為24/2 5:00pm)

港大學淪內地生次選

曾幾何時，香港既大學生都算幾威，好似話叫「天子門生」喎，想問吓大家，幾耐再冇聽過呢個term呢？唔好話而家通街大學生貶哂值，就算內地學生，都逐漸唔吼香港既大學嘞。
咁就真係奇怪嘞，點解啲內地學生而家先知道自己名牌學府正？真係「不識廬山真面目，只緣身在此山中」？
好簡單，你睇吓啲領導人，有邊個唔係出自北大、清華等既名牌大學呢？唔同佢哋會係滿口英語，又有洋名既假洋鬼子咩？
歡迎發表意見，23/2 刊於《太陽報》「任意網為」欄目內(截稿時間為22/2 5:00pm)

迪士尼高層出花紅

有咩工搞衰咗，唔洗賴嘢仲有花紅分？迪士尼高層就係一個好例子。香港迪士尼樂園業績見紅，唔單止員工有人工力，管理層仲有花紅發添。或者呢啲就係美式管理文化，你睇華爾街班友，一邊接受政府泵水拯救，一邊就面都唔紅咁攞花紅，認真唔怕醜呀﹗
歡迎發表意見，22/2 刊於《太陽報》「任意網為」欄目內(截稿時間為21/2 5:00pm)

風水界威番次

風水命理呢啲嘢，信則有不信則無，但係經歷哨牙通事件、茅山師傅性交轉運案後，風水界形象真頭好似煲呔曾民望一樣咁低殘。好衰唔衰，最近又發生解放軍以風水鬼話誘騙中年女文員案。不過唔緊要，據聞香港有位風水師為全球多位政治人物測運程，就連美國CNN都要訪問佢，都可算為香港風水界攞番少少彩。
之於佢有乜高論？哦，咁既，羅師傅認為豐田汽車社長豐田章男同老虎正沖，所以運勢不佳喎……
呵呵，準唔準？都係電視節目嗰句例牌菜︰「風水玄學唔係精密料學，命運始終掌握喺自己手上。」
有條link，大家可以睇睇︰
http://www.nownews.com/2010/02/17/91-2571073.htm

歡迎發表意見，21/2 刊於《太陽報》「任意網為」欄目內(截稿時間為20/2 5:00pm)

新年流流撞到正

新年流流講埋哂啲咁既嘢，的確係大吉利是。不過大家千祈唔好怪豪伯，事關大年初一晚電視直播新春花車匯演，的確係加插咗萬聖節嘩鬼舞蹈表演，一隻二隻「喪屍」同「骷髏骨」向現場同電視機旁邊觀眾「拜年」，搞到「啋」聲四起……你哋話嘞，呢鋪係唔係捉蟲先？

歡迎發表意見，20/2 刊於《太陽報》「任意網為」欄目內(截稿時間為19/2 5:00pm)

電影盜錄好猖獗﹖

戲院盜錄既問題原本好嚴重。據講○八年有成9套美國電影既翻版因為咁樣流出海外，戲院商會為咗因應呢個情況，發明咗用軍用夜視，檢查有冇人違規盜錄，結果舊年一單戲院盜都冇。講就好似好利害咁呀，但大家諗吓啦，而家仲邊有人睇咁低質素既老翻呀？賣呢啲貨既老翻商人都怕被顧客尋仇啦下話呀？

歡迎發表意見，19/2刊於《太陽報》「任意網為」欄目內(截稿時間為18/2 5:00pm)

上網過年

大年初三同各位拜個年先，祝大家心想事成﹗呢幾日大家係咪忙住四出拜年呢？但係聽聞愈來愈多人足不出戶過「虛擬年」呀，連禮物呀、利是呀都係網上send來send去的﹗咁搞法邊過到個肥年呀？邊有咁笨既事﹗

歡迎發表意見，18/2 刊於《太陽報》「任意網為」欄目內(截稿時間為17/2 5:00pm)

K場禁歌

唱歌難聽，唔單止令人雞皮豎起哂，嚴重起上嚟甚至可以搞出人命。唔講唔知，菲律賓呢幾年嚟淨係因為有人唱英文金曲《my may》難講，引起聽眾不滿而鬧出既血案，竟然有六宗咁多，搞到當地好多K場索性抽起呢首歌。老實講，豪伯都有切身感受，事關次次唱歌，總會有人冇有識死，唱埋哂啲咩《浮誇》一類既走音金曲，老實講，只能夠講句「貼錢買難受」呀﹗

歡迎發表意見，13/2 刊於《太陽報》「任意網為」欄目內(截稿時間為12/2 5:00pm)

哀悼狗仔隊之父

有「狗仔隊之王」之稱既意大利裔攝影師昆托逝世。狗仔隊可能好乞啲名人憎，但係作為好似豪伯呢一類既普通人，就最歡迎不過，起碼茶餘飯後又有八卦嘢講嘛……
名人就梗係頭痕啦，不過都係冇計喎，有市場就自然有人做，正如昆托生前既名言一樣︰「我唯一受過的教育是：我要吃飯。」啲名人唯有正面啲諗，就當弘揚儒家傳統既「慎獨」文化，自己規矩啲好過啦﹗
歡迎發表意見，12/2 刊於《太陽報》「任意網為」欄目內(截稿時間為11/2 5:00pm)

警犬大逃亡

警署走犯雖然少有，但都唔算係咩大新聞。長沙灣警署最近走狗，就算係一單幾過癮既事情。最奇特係呢隻警犬竟然可以一嘢跳過八呎高既欄，堪稱警犬界劉翔；仲有，警犬偷走而唔係警員返返吓工唔見人，咁加薪既係咪應該啲警犬而唔係啲差人呢？

歡迎發表意見，11/2 刊於《太陽報》「任意網為」欄目內(截稿時間為10/2 5:00pm)

谷歌告谷姐

谷歌google話要撤出中國，搞到滿城風雨。唔講大家可能唔知，原來內地除咗有谷歌之外，仲有個網站叫「谷姐」(goojje)，而家出現咗「谷歌告谷姐」侵權既搞笑場面，大家認為有冇問題呢？

歡迎發表意見，10/2 刊於《太陽報》「任意網為」欄目內(截稿時間為9/2 5:00pm)

真假鄭汝樺

吖，唔知啲人係咪睇咗小白兄嗰篇「教我如何add鄭汝樺」專欄文章呢？而家一係唔嚟，一嚟就嚟七個鄭汝樺，真係add到你手軟。
當然啦，鄭汝樺以為facebook有開關掣，又點會真係開個account呀？不過原來除咗鄭汝樺，仲有好多司局長被惡搞，最多冒牌貨就係鬍鬚曾。哈哈……唔知佢應該覺得嬲呢，抑或用嚟吹噓自己多年輕人識呢可？

歡迎發表意見，9/2 刊於《太陽報》「任意網為」欄目內(截稿時間為8/2 5:00pm)

facebook新版面賀壽

facebook六歲生日，搞搞新意思，上月底以全新版面示人，更新版面和私隱設定，版面除被簡化，還設有搜尋欄，群組等項目則被置於左側。不過好似唔係個個都受落喎，有人甚至發起群組反對添。吖，唔知應該話facebook太深入民心，大家對佢太有感情，抑或係話佢好搞唔搞捉蟲呢？

歡迎發表意見，8/2 刊於《太陽報》「任意網為」欄目內(截稿時間為7/2 5:00pm)

反高錕聯盟？

http://news.sina.com.hk/cgi-bin/nw/show.cgi/23/1/1/1413445/1.html

各位睇下呢篇嘢啦…《明報》之後澄清話係「副刊諷刺性文章」喎。明明大大隻字寫住「明報專訊」啦，叫人點分呀？

《任意網為》

致各位讀者大人，博客擂台功成身退，二月一日(星期一)起全新《任意網為》同大家見面，主要摷吓啲網上熱話吹吹水，歡迎email或add 小弟facebook, twitter (lukchiho75@hotmail.com) ，或者sms 60162496，首日主題係「我要買ipad」一齊爆爆料，傾傾偈吖。

港版樓脆脆

紅磡馬頭圍道發生香港開埠以嚟最嚴重既場樓事件，成棟六層高既唐樓冧咗落嚟，轉瞬間得番一堆頹垣敗瓦。唔係啩，香港話哂都係紐倫港之一喎，啲樓點會咁化學架？

歡迎發表意見，31/1 刊於《太陽報》「博客擂台」欄目內(截稿時間為30/1 5:00pm)

鏹魔回歸？

嘩，又有鏹魔出沒？唔係，睇真啲，原來只係因為有住戶倒通渠水而意外灼爛膠喉管，搞到鏹水雨灑落街，引起虛驚一場啫。唉，不過有時諗諗吓香港人壓力真係好大，乜嘢都驚得一大餐，少啲腦細胞都唔掂呀﹗

歡迎發表意見，30/1 刊於《太陽報》「博客擂台」欄目內(截稿時間為29/1 5:00pm)

港女惹不得

有個講英文既阿嬋，交通意外後被警察截停，死唔肯吹波波不特止，仲嚟手摑咗個差大哥一巴，好在個差人叔叔都唔係流既，立即「累」低，據講而家個女人已經被捕嘞……
歡迎發表意見，29/1 刊於《太陽報》「博客擂台」欄目內(截稿時間為28/1 5:00pm)

癲價公屋

煲呔曾口口聲聲話豪宅天價唔會影響小市民，當時大家已經喝住，話水漲船高之下，低價樓既樓價都會升。呢拿，話口未完，長沙灣舊公屋區李鄭屋邨廉潔樓一個無敵景觀高層單位，最近就以超過一百七十八萬元、貼近私人樓的高價售出嘞﹗
歡迎發表意見，28/1 刊於《太陽報》「博客擂台」欄目內(截稿時間為27/1 5:00pm)

八十後玩轉禮賓府

禮賓府每年對外開放兩次，但原來屋裡面最好玩既地方，市民都未有機會見識。好在有班調皮「八十後」識得禮賓府員工，入到去大玩特玩，大家至知原來裡面可以bbq。如果禮賓府全年開放畀市民入去玩就好嘞﹗
歡迎發表意見，27/1 刊於《太陽報》「博客擂台」欄目內(截稿時間為26/1 5:00pm)

愛靚唔愛命

而家啲女仔好鍾意整水晶甲，表面睇好似好靚，但原來內藏危機﹗一旦有細菌喺指甲內，而由接觸到眼睛，分分鐘盲都似。
歡迎發表意見，26/1 刊於《太陽報》「博客擂台」欄目內(截稿時間為25/1 5:00pm)

文憑試評級亂龍

教育局公布新既香港中學文憑試評級，未講到詳情，淨係評級既叫法已經引起家長同商界質疑，尤其係將5級水平再拆分5*及5**級，以前ABCD咁就易分啫，家吓12345都已經唔係好慣啦，仲整多個5**，淨係個正確叫法都考起人啦﹗
歡迎發表意見，25/1 刊於《太陽報》「博客擂台」欄目內(截稿時間為24/1 5:00pm)

o靚模改運

呃o靚模性交轉運案終於有判決，茅山師傅被重判入獄81個月。嘩，咁咪判得仲重過喺落馬洲車死6個人既醉駕司機﹗？
歡迎發表意見，24/1 刊於《太陽報》「博客擂台」欄目內(截稿時間為23/1 5:00pm)

玩手機能知天下事

古語有云︰「足不出於能知天下事」，隨住互聯網發展，呢句嘢一早已經實現。而家仲利害，直頭發展到「玩手機能知天下事」，撳兩吓掣，世界同香港大事小事趣事全部掌握哂﹗豪伯講緊既係東方報業集團旗下on.cc既最新榮譽出品，適合iPhone同Nokia手機免費下載既「即時新聞程式」嘞。講多會滯，豪伯已經第一時間下載，真係一句話︰「正﹗」各位網友都快啲手下載，就知豪伯所言非虛架啦﹗
歡迎發表意見，23/1 刊於《太陽報》「博客擂台」欄目內(截稿時間為22/1 5:00pm)

大學宿舍春上春

有大學刊物調查發現，而家啲大學宿生性觀念超開放，喺房胡天胡帝已經係好小兒科，有啲見個宿友帶伴侶返嚟過夜，唔抵得自己都帶埋一份，連condom都可以互通有無。至於有冇changing partner，咁就真係天曉得啦……
歡迎發表意見，22/1 刊於《太陽報》「博客擂台」欄目內(截稿時間為21/1 5:00pm)

淫師何其多

啱啱有個孌童癖教師網上布「o靚模」陷阱，被法庭判入獄四十九個月，呢啲人固然要重判啦，但係法官都講咗句發人深省既話。佢話受害女童都係「90後」，只得十多歲，質疑新生代係唔係有不同價值觀。到底呢個社會係咪有病呢？
歡迎發表意見，21/1 刊於《太陽報》「博客擂台」欄目內(截稿時間為20/1 5:00pm)

80後打工仔不快樂

有調查發現，80後打工仔有一成做得唔開心，同時亦有好多老闆猛彈80後做野唔係路。我就冇乜興趣理理邊個啱邊個唔啱嘞，只係好想知道，點解又冇人走去問吓70後、60後既人做嘢開唔開心呢，做乜而家好似成個社會圍住班80後後生仔團團轉咁樣架？
歡迎發表意見，20/1 刊於《太陽報》「博客擂台」欄目內(截稿時間為19/1 5:00pm)

暴力反高鐵

一場反高鐵示威，竟然激到好似世貿韓農示威咁，你都咪話唔後生可畏。哈哈，佢哋反得高鐵，都可以反其他基建項目，香港乜都唔使郁，睇怕無耐後可以學澳門咁，申請將歷史城區列入聯合國《世界文化遺產名錄》咯……
歡迎發表意見，19/1 刊於《太陽報》「博客擂台」欄目內(截稿時間為18/1 5:00pm)

社署叫人借貴利

原本以為社會福利署，顧名思義梗係應該幫助弱勢社群架啦，點知原來未必，有人最近向社署申請緊急殮葬基金，為丈夫辦身後事，社署職員拒絕都算嘞，竟然叫對方「借大耳窿」搞掂佢。嘩，仲有冇人性架？
歡迎發表意見，18/1 刊於《太陽報》「博客擂台」欄目內(截稿時間為17 5:00pm)

真假鏹魔疑雲

好嘢﹗一天都光哂啦，終於捉到上個月喺銅鑼灣掟鏹水彈既疑犯。咦，咪住，警方話佢同其他鏹水彈案無關喎。吓，咁即係話，原來有好多人模仿鏹魔既犯案手法啦，咁香港究竟仲有幾多個「翻版鏹魔」呢？
歡迎發表意見，17/1 刊於《太陽報》「博客擂台」欄目內(截稿時間為16/1 5:00pm)

援交產業

十七歲賤男懷疑引誘十二歲女仔援交，兼且又食又拎，真係人神共憤。各位，而家援交問題愈嚟愈嚴重，根本睇唔到當局有咩符去遏止。不如咁啦，政府咁鍾意搞幾大產業，幾大支柱，係咪遲啲要發展到將援交產業化，嚴格控制十六歲或以下女仔唔畀入行，以及保障佢哋有安全工作環境吖？
歡迎發表意見，16/1 刊於《太陽報》「博客擂台」欄目內(截稿時間為15/1 5:00pm)

平機會玩空城計

鄧爾邦份平機會主席合約終於夠期，市民以為可以燒炮仗送走瘟神？唔好咁腦定住，政府岩岩公布新主席人選係林煥光。咦，乜又係無啦啦爆咗個人選出嚟既？到底之前有冇進行過公開遴選架？又係黑箱作業既話，會唔會又係一擔擔架？
歡迎發表意見，15/1 刊於《太陽報》「博客擂台」欄目內(截稿時間為14/1 5:00pm)

最筍工 賣年糕

賣年糕賺千元時薪！有慈善機構與商界合作推出臨時筍工，在商場內落嘴頭賣年糕，只做三小時，薪酬三千元，號稱時薪比澳洲大堡礁的全球第一筍工還要高。嘩，唔知佢哋啲年糕係咪金造既呢可？
歡迎發表意見，14/1 刊於《太陽報》「博客擂台」欄目內(截稿時間為13/1 5:00pm)

80後標籤

究竟「80後」係乜嘢？有人話係激進主義者，據聞政府中有人話「80後」係「計時炸彈」，結果梗係犯眾怒啦﹗各位網友又認為，用咩嚟形容「80後」最適當呢？
歡迎發表意見，13/1 刊於《太陽報》「博客擂台」欄目內(截稿時間為12/1 5:00pm)

鏹彈恐襲廟街

又有一宗鏹水彈事件﹗今次係喺遊人眾多既廟街。嘩，都已經數唔清呢宗係第幾宗同類案件囉……真係下次又唔知輪到邊區咯……
歡迎發表意見，12/1 刊於《太陽報》「博客擂台」欄目內(截稿時間為13/1 5:00pm)

你夠唔夠膽打針

豬流感來勢洶洶，本來，有疫苗就梗係要第一時間打架啦，尤其是係嗰啲高危人士，不過本港接連傳出懷疑有人打完針後出現副作用，有人仲性命垂危添，咁搞法，真係分分鐘打又死唔打又死喎……
歡迎發表意見，11/1 刊於《太陽報》「博客擂台」欄目內(截稿時間為10/1 5:00pm)

議員炒大鑊

而家立法會會議真係好睇──只要大家唔係旨意班議員幫手解決問題就得嘞。呢嗱，最近又有議員嚟料啦，今次竟然係兩個大男人喺度罵街﹗唉，唔怪得立法會議員喺市民心目中個地位咁低啦﹗
歡迎發表意見，10/1 刊於《太陽報》「博客擂台」欄目內(截稿時間為9/1 5:00pm)

海南好玩過香港

成日話香港旅遊業面對嚴峻挑戰，唔好以為淨係講緊新加坡、上海等老對手，原來海南島都急起直追啦﹗國務院日前發布文件，為海南島未來十年發展訂下六大戰略定位，包括旅遊、體育博彩等，應有盡有，睇香港近幾年既勢，睇怕除咗全球暖花水位上漲令海南沉沒之外，都幾難應付到挑戰咯……
歡迎發表意見，9/1 刊於《太陽報》「博客擂台」欄目內(截稿時間為8/1 5:00pm)

80後青年活動

而家人人都鍾意將「80後」掛喺口唇邊，連鬍鬚曾都不甘後人，喺網誌度大談「80後」如何如何？咁到底佢哋呢一代人有咩獨特既地方呢？
歡迎發表意見，8/1 刊於《太陽報》「博客擂台」欄目內(截稿時間為7/1 5:00pm)

郵袋大劫案

香港發生開埠以嚟第一宗郵袋被搶劫既案件，認真騎呢。大家都好想知道，究竟呢袋郵件裡面到底有咩正嘢，引起賊人垂涎呢﹖

警方盜竊指南

各位冇睇錯，個題的確係「警方盜竊指南」。事情係咁既，警方喺深士埗爆竊黑點既大廈張貼海報，勸居民做足防盜措施，點知張「通告」連出事單位地址、匪徒犯案手法(包括細緻到用卡片開鎖)，甚至乎事主唔見咗乜嘢財物到巨細無遺地寫哂出嚟。咁搞法，匪徒只要照住份「指南」去做，就實得米啦﹗
歡迎發表意見，6/1 刊於《太陽報》「博客擂台」欄目內(截稿時間為5/1 5:00pm)

公院護士荒

公立醫療系統肥上瘦下係人都知，影響所及，前線醫護人員係咁流失，淨係舊年全港就有七百幾個護士離職。喂，而家豬流感風頭火勢喎，咪即係攞市民條命仔嚟較飛？
歡迎發表意見，5/1 刊於《太陽報》「博客擂台」欄目內(截稿時間為4/1 5:00pm)

的士死火X檔案

的士大佬近日反映，有成二千架車入氣之後突然跪低，架車行吓停吓影響生意唔在講，仲分分鐘發生意外，認真危險。最好笑係，件事原來舊年九月就發生，機電署亦都一早知道，竟然過咗幾個月到家陣大爆發都未知原因。喂，市民出門搭「車立」又驚，出街搭的士又驚，咁點搞先？
歡迎發表意見，4/1 刊於《太陽報》「博客擂台」欄目內(截稿時間為3/1 5:00pm)

免費電視爭霸戰

家陣香港免費電視既形勢好簡單，兩台競爭幾乎係壓倒性咁滯。唔知點解，日前仍然傳出有人向政府申請免費電視節目服務牌照。吖，唔知有冇機會邁向免費電視既三國鼎立時代呢﹖
歡迎發表意見，3/1 刊於《太陽報》「博客擂台」欄目內(截稿時間為2/1 5:00pm)