雷曼弟婦

煲呔親坐定定等着數
作為煲呔曾嘅親戚，好處真係數都數唔晒：代理慳電膽嘅可以有生意做；投資時不幸損手，又可以率先有得賠；讀書要考試咩，都唔怕，煲呔曾識得個教授，同佢食餐飯大家聯誼吓，就自然過關啦。
最盞鬼嘅係，「煲呔親」永遠唔使開到聲尋求協助，煲呔曾自然會「不經意」咁向司局長提及，仲會根據廣大市民利益嚟作決定添！照咁講，「煲呔親」不但可以坐定定等收着數，仲可以惠及埋市民，真係一家便宜兩家着！
雖然真正嘅「煲呔親」名額有限，但係市民唔使失望，快快投考警察等紀律部隊，煲呔曾出身「警察世家」，又點會虧待你呢！