菜統處為保佣金冇陰功
開講有話：「食得唔好嘥。」點知依家本港每日有成一噸新鮮菜被棄置。菜統處為咗保障自己中介服務佣金利益，寧願將每日賣剩嘅新鮮菜扔掉，你話係咪冇陰功呀？
打開報紙一睇，幅相真係好鬼震撼：一片綠油油嘅海洋，唔知仲以為係當局繳獲咗一大批有毒蔬菜，收集晒喺度，就好似內地將大批盜版光碟堆埋一齊，然後用壓路機壓碎晒，畀傳媒錄影嗰種大陣仗。
咁就慘啦，盜版光碟害人害物，點同食菜咁有益健康呀。不過咁都好嘅，你知啦，最近大學做咗個研究，話發現好多肉類都可能含抗藥性大腸桿菌，搞到市民都唔知去邊度搵安全食物。依家唔使驚啦，去菜統處「蔬菜堆填區」啦，包你食到放心菜呀！
skip to main |
skip to sidebar
咁即係損人不利己啫…做少少善事，唔係真係咁難為佢哋呀﹖
回覆刪除有冇搞錯！！政府又話帶頭搞環保，呢頭又不斷浪費食物，捐比慈善團體，或者食物銀行都唔係好麻煩姐，總好過日日咁掉，真係太浪費啦！
回覆刪除要求班官體恤民間疾苦，都係慳番啖氣暖肚好過啦﹗
回覆刪除一係就俾哂鮮魚行學校，益下窮學生。一係就開間鮮菜行學校，教下有錢官員珍惜食物。
回覆刪除