醜聞亂子陸續來
煲呔曾返香港終於回應兩大醜聞，不過竟然唔係就事論事，而係發表一則所謂聲明，怒斥有傳媒「無中生有」、「惡意中傷」。煲呔曾出咗事就去旅行逃避，返到嚟就將責任賴喺人身上，佢不如出聲講到明，「以後唔侵你哋玩」啦笨！香港傳媒又確係犀利，竟然可以無中生有到幫「煲呔曾」作一個做燈膽代理生意嘅親家，同埋一個買過雷曼迷債嘅弟婦出嚟……正如立法會議員話齋，唐唐都承認煲呔曾開會時提過有「雷曼弟婦」啦，唔通唐唐又「無中生有」囉喎。或者煲呔曾覺得唔回應呢兩單醜聞問題不大，因為可能佢自己都估計，以後亂子將會陸續有來，單單都要回應，咁佢咪好唔得閒？
skip to main |
skip to sidebar
曾生你學咩人做特首先？有錯就要認，唔係死撐就得架！
回覆刪除其實煲呔今次真係搵自己笨，明智d、EQ高d 0既，一早出黎道個歉，大家都會原諒你啦，而家仲反擊鬧傳媒，咪盞班記者越鬧越大。
回覆刪除嘩﹗發爛渣就可以過骨，咁係人都可以做特首啦﹗
回覆刪除傳媒再叻都唔可以幫煲呔「作」到個代理慳電膽的親家啦﹗
回覆刪除煲呔夠膽就開埋邊個傳媒啦笨。
回覆刪除