煲呔曾應到黑點視察
旺角、深水埗接連出現鏹水彈狂徒，警方基本上可以話係束手無策。點知話口未完，西灣河又話整多單鏹水彈「恐襲」事件，問你怕未？
計我話警方係「非不能也，實不為也」。大家諗吓，如果煲呔曾話落區巡視，雖然會多咗好多人想從高空掟腐蝕性液體洩憤，但係我敢輸賭，一定唔會出現鏹水彈狂徒。只要煲呔曾耐唔耐去鏹水彈黑點視察，肯定天下太平嘞！
豪伯估計，呢個可能係政府因應近排樓價係咁狂飆而推出嘅措施。大吉利是講句，如果你住嗰區三日唔埋兩日就有人被鏹水彈掟親，邊個仲夠膽喺度買樓？到時莫講話七萬蚊呎，七百蚊都冇人要啦！
skip to main |
skip to sidebar
掟野落街的人都係儒夫，一味照抄人掟野。搵人掟紙飛機落街，儒夫會照跟，又安全又好玩。
回覆刪除鏹水佬掟完旺角，而家轉去深水埗，遲早玩轉全港十八區，今次真係玩殘班警察......
回覆刪除掟錢落街仲過癮啦，掟嗰個又可以發洩，途人又開心……不過記得千祈咪掟硬幣喎﹗
回覆刪除其實警方都好難架，你哋諗吓，又冇明顯犯罪動機，又可以周圍走去掟嘢，講真都唔易捉。
回覆刪除