樓層篤數為住客着想
咪以為淨係內地先至造假叻，依家就嚟一國一制㗎喇！有大學用自己製作嘅儀器測量本港空氣污染指數，得出嘅結果比環保署公布嘅高兩至三倍。鬼咩，原來環保署放喺路邊嘅儀器成五米高，乜嘢污染物都淡晒啦！
嘩，真係愈諗愈心驚喎，啱啱同小白兄先鬧完十九環保招實行後，市民壽命先至增加一個月咁大把，依家諗諗吓，都唔知係咪篤數嘅啫！
不過呢單空氣污染指數造假疑雲，都為大家提供一個好重要嘅訊息，就係原來身處愈高嘅位置，空氣質素係愈好㗎，唔怪得四十層樓高嘅大廈，頂樓居然係八十八樓啦！原來都係想住客覺得空氣好啲，咁自然都健康啲！
skip to main |
skip to sidebar
嘩，唔好將啲探測儀器放喺離島﹖
回覆刪除嘩，咁我生得咁矮，咪命都短幾年﹖
回覆刪除所以呀，高尚住宅都係起喺山頂囉，風生水起呀嘛……
回覆刪除空氣質素都可以取巧，咁點知政府公布既失業率、通脹數據嗰啲嘢係堅定流架﹖
回覆刪除