學生扮狗

寵物非發洩壓力工具
有個非常女教師，為咗罰遲返課室上堂嘅學生，竟然罰班學生扮狗，侮辱人唔使本！
其實呢個非常女教師都算好好彩o架喇，遇到班咁乖咁聽話嘅學生。如果豪伯係其中一個被要求扮狗嘅學生，可能會做一隻失常嘅鬥牛p，又或者係一隻學極都唔識喺指定地方口殊口殊嘅puppy……嗰個女教師又係嘅，有咁多動物唔叫學生扮，係都叫人扮狗，扮吓兔仔呀、金魚呀唔得咩？再唔係叫學生扮植物，好似仙人掌咁都幾盞鬼吖！
不過個女教師最大問題唔係得罪學生，而係對動物唔好！唔係咩，喺佢心目中，寵物係用嚟發洩自己壓力嘅工具，呢一點先至最教壞細路呀！