不如話香港係全民皆富
「點至叫窮」？因阿扁推介一炮而紅嗰本叫《窮得只剩下錢》嘅書，認為一個人就算好有錢但係心靈唔富足，一樣唔好得過嗰啲仙都唔仙吓嘅窮鬼幾多！
咦，咪住先！依家又唔係討論哲學問題喎，現實生活中，幾時見過住板間房捱電風扇嘅人畀人叫富翁呢？其實真正會問「點至叫窮」呢個一字咁淺問題嘅，得煲呔曾一個啫，佢老人家一時又話香港人「想窮都難」？最近又話貧窮嘅定義係嗰啲生活差過攞綜援嘅人士，或者因為貧窮標準太低，所以香港人想窮都難啩？煲呔曾呀，點解你唔索性話一日未餓死，一日都唔叫做貧窮呢？咁計法，香港肯定係世界第一個全民皆富嘅地區啦！
skip to main |
skip to sidebar
咁多人住籠屋，板間房唔通都唔叫窮？唔通要瞓街先叫窮？
回覆刪除如果請煲呔去籠屋住番一個禮拜，相信佢唔會講出d咁涼薄的說話！
回覆刪除煲呔日日比人吠，又慳電膽，又利益輸送，佢都當聽唔到啦，點會理班窮人~
回覆刪除幾十人迫埋一間籠屋，連CNN都要報道，咪話唔勁，不過唔係勁叻，係勁醜，政府知唔知醜字點寫
回覆刪除有個舊同事午飯只係食幾蚊一個杯麵，因為覺得一盒飯廿幾元好貴，佢無樓無車，月搵幾千蚊，呢d 唔叫窮叫咩？
回覆刪除傻既，梗係唔叫啦，都未去到攞綜援﹗
回覆刪除