明愛明害人

蘇利民白幾百萬年薪
明愛醫院眼科又試嚟料！有個二十四歲女仔遊完泰國返香港，發現染上結膜炎，醫生將佢轉介去明愛醫院，點知院方居然話佢唔係嗰區居民，要去第二間醫院再排過。最好笑係，病人之後打嚟本報求助，記者去到之後，院方人員即刻變臉，仲有醫院領導人陪住睇醫生添！
醫管局總裁蘇利民幾百萬年薪，竟然叫唔郁明愛醫院啲員工接收病人？本報記者一出動，就立刻令到班人貼貼服服，不如由記者埋蘇利民份人工好唔好？
不過都係唔得，事關記者入主醫管局後，一定將依家個肥上瘦下嘅架構推倒重來，到時肯定宣布全體管理層減薪一半，到時班大帝同你死過都似！