驗DNA真兇冇得匿
繼之前掟大鐵錘之後，日前竟然有人離譜到掟屎彈落街，睇怕就嚟要搞有獎遊戲競猜下次跌乜嘢落街咯。
有犯罪學家話，屎彈狂徒可能受近日連串高空擲物事件影響，加入湊熱鬧，心態如同參加嘉年華。如果真係咁就好咯，當局不妨宣布對所有高空擲物狂徒既往不咎，但條件就係將佢哋困晒入一幢荒廢嘅大廈，畀佢哋入去開「高空擲物嘉年華」，到時佢哋鍾意掟雪櫃又好、掟人都好，都可以盡情去做，至於後果，當然係貴客自理啦！
吖，講開又講，成日話高空擲物案難破，照計今次掟屎彈嘅疑犯，除非佢哋喺公廁收集「彈藥」，否則唔係應該可以驗到DNA嘅咩？
skip to main |
skip to sidebar
我都覺d人好無公德心，計我話警察拉到呢班狂徒之後唔應該拉佢坐監咁便宜佢，比d邨民掉番就岩...呢個計劃仲可以符合環保，佢掉完個大鐵錘之後比人用番同一個大鐵錘掉，循環再用，絕對可持續發展。
回覆刪除我覺得班人唔止丟野落街，係丟哂個良心及公德心落街。
回覆刪除連鐵鎚都掟落街,無傷到人真係好彩,呢d人完全無公德可言,應該重罰
回覆刪除而家出街又驚高空擲物,又有淋鏘水的危機,真係邊度都唔駛去~
回覆刪除或者包到實一實,帶埋工業安全帽先出街...
回覆刪除咁鍾意掟野落街,唔見掟d錢落黎......
回覆刪除