港迪士尼啱晒商務旅客
要嚟嘅始終要嚟，傳咗好耐嘅上海迪士尼終於正式落實，預計最快二○一四年落成，面積比香港嗰個大成倍幾！都係我哋啲高官夠淡定，商務及經濟發展局長劉吳惠蘭話喎，中國市場龐大，相信容納兩個迪士尼綽綽有餘喎，又話兩個樂園可以互補同合作喎。
咁又係嘅，上海迪士尼將會係全亞洲最大規模，香港迪士尼就係全世界最細，針對嘅並非普通顧客，而係一啲高質素嘅商務旅客，因為香港迪士尼設施少，加上唔使點排隊，可以好快玩晒，絕對適合日理萬機嘅成功人士！再唔係一不做二不休，建議迪士尼開到好似便利店咁，梗有一間喺左近，實行一拍兩散大家冇運行！
skip to main |
skip to sidebar
香港迪士尼自己搞得唔好玩、又細，本身已經唔掂，唔好賴人哋上海起多個同你競爭啦﹗
回覆刪除與其同人哋個啲主題公園鬥大，倒不如宣傳吓有香港特色既景點啦，地質公園對遊客應該有吸引力…
回覆刪除當初一早知道中國會有第二個迪士尼樂園，就唔使寫埋哂啲喪權辱港既條款啦﹗
回覆刪除香港迪士尼都有特色，就係無人去囉。勝在唔洗排隊，全世界邊度搵。
回覆刪除