煲呔曾管治肥佬

落力保障淫賤言論
有調查發現煲呔曾喺十九個管治項目裏面，市面評分竟有十六項唔合格，睇嚟佢嘅民望真係低處未算低。
正如網友阿九話齋，其實煲呔曾管治肥佬，都唔算係咩新聞，奇就奇在煲呔曾仲有三瓣係合格喎！查咗一大輪，終於畀豪伯發現，原來係「選舉自由公平」、「政府廉潔」同埋「保障言論自由」呢三瓣。
提起「保障言論自由」，香港真係認第二未必有人敢認第一。大家睇吓，有啲傳媒長期宣淫販賤，最多都係被罰雞碎咁多；佢哋喺台灣照辦煮碗，台北市長立即暴喝一聲，重罰佢哋五十萬新台幣。你哋話嘞，香港保障淫賤言論自由表達，唔係全球第一咩？