難得私人市場幫拖
香港唔單止好多人上唔到樓，連陰宅一樣供不應求。政府咁多年嚟都冇出手增加公共龕位，最近突然叫停一啲私人龕位，話佢哋業務違反地契規定喎……嘩！咁樣之前「安居」嘅先人容乜易變另類難民㗎？
今次政府真係捉蟲，大家不妨諗吓，公營骨灰龕起到慢吞吞，依家難得有私人市場幫你分擔，又冇先人上街抗議自己係「冇殼蝸牛」，咁梗係悶聲發大財，繼續縮骨闊佬懶理㗎啦！不過呢單嘢都唔係冇得掹，記得早前牛池灣有間無牌車仔麵檔，被揭發過去九年被檢控近百次，仍然屹立不倒，地政總署大可援引呢個先例，得閒罰吓人錢，又可充實庫房，又唔會畀先人家屬嘈，一石二鳥啦！
skip to main |
skip to sidebar
有無搞錯，政府自己唔起多d 龕位不特止，又唔比人放係寺廟，咁究竟仙人嘅骨灰擺係邊，係咪要全部撤晒落海！家係倒晒係禮賓府門口？
回覆刪除市民一齊將骨灰倒哂落海，同鄧小平撈亂骨頭，咁先有條件搵港府算帳！
回覆刪除大把人生前做無殼蝸牛，死後連搵個龕位都無，好淒涼
回覆刪除d人大拿拿駛幾萬蚊買龕位比仙人，而家突然又話唔可以用，咁叫佢地將d骨灰擺係邊？d 錢係咪政府賠？
回覆刪除政府淨係識得益d地產商，起樓就大把地提供，要起骨灰龕堂就無，一時又話要揀清楚，到底要拖幾耐~
回覆刪除