facebook自殺群組

留意有冇做世界群組
有青少年喺facebook發起自殺群組，有人更號召喺下個月二十一號「採取行動」。乜家陣啲後生仔咁唔珍惜生命㗎！不過咁，細嘅就話唔識諗啫，大嘅都唔好得幾多，警方竟然只係集中同元朗一個地區嘅校長開會。大佬呀，全港其餘十七區啲後生仔女唔會睇唔開㗎？
講番青少年自殺問題，其實都係要多得facebook呢項偉大發明。後生仔靜雞雞自己「柄」埋一邊自殺，發覺嘅時候已經太遲，依家佢哋事先張揚，咁都仲有得幫吓佢哋。話時話，唔知銀行劫匪又會唔會透過facebook成立「我要練習做世界」群組呢？咁警方辦案都容易啲，斷估唔使太醒目都可以應付得嚟。