哈囉喂臭鬼

為「鬼」出番啖氣
哈囉喂「臭鬼」呢單新聞可以話嚟得絕對合時，聯合國啱啱舉行完氣候變化峰會，連秘書長潘基文都話依家談判進展太慢。千祈咪以為氣候變化呢味嘢唔關你同我事，大家試諗吓，往時九月、十月，天口已經開始涼涼哋，歌仔都有得唱：「秋來也秋去，千千片紅葉跌墜」，依家？睇怕大家除咗「秋官效應」之外，都冇乜機會接觸個「秋」字囉！
「臭鬼」喺哈囉喂前出現，正好幫大家糾正態度—大家咪以為「鬼」好恰呀，以前搞親嘩鬼show，都發生啲客人「打鬼」事件，甚至有「女鬼」聲稱被男遊客掃背脊騷擾，依家「臭鬼」出馬，即刻嚇番班友仔轉頭，直頭係出鬼番啖氣呀！