冇穿冇爛出院要還神
「做做冇停手，梗有食飯嘅時候……」記得呢個經典廣告裏面，唱呢支歌仔嘅係一班地盤工友。時移勢易，呢首歌嘅MV相信都要與時並進，由一班手執聽筒嘅醫生嚟個大合唱。但悲哀嘅係，醫生「做做冇停手」唔係因為經濟好咗，而係因為醫管局肥上瘦下，管理層分分鐘仲多過落手落腳做嘢嘅前線醫生！
十個煲得七個蓋，有乜辦法唔成日割錯器官輸錯血吖，病人冇穿冇爛由公院返出嚟直頭要還神！話時話，你哋班前線醫生爭取增加人手，豪伯我瞓身支持，但係千祈咪借頭借路想加薪呀，除非你同我講，月薪加到一百萬，你哋可以一日做二十六個鐘頭而唔會出錯啦！
skip to main |
skip to sidebar
冇嘢呀？入得公立醫院仲預冇穿冇爛出番嚟呀？
回覆刪除如果啲高官同仔女有病，都係入公立醫院醫，咁我就有信心啦﹗
回覆刪除做咩呀﹖哂命呀﹖做到嘔唔好咩，細佬我三個月冇工開咯喎﹗
回覆刪除前線醫生做到嘔,咁不如醫生齊齊減薪，請多幾個醫生啦。醫者父母心，犧牲一點點，人工少一點，斷估對生活唔會有咩影響吧。
回覆刪除上面細佬無工開的人，鬼叫你細佬讀書唔成呀﹖ 反省下啦.
回覆刪除上面第二條叫匿名既蛋散，你屋企開醫院架﹖
回覆刪除我開醫院就私立醫院啦，醒目仔。我睇唔過眼有人「憎人富貴」，工作性質唔同，無得比較啦。
回覆刪除其實有時醫生有失誤,導致醫療事故,都唔可以怪晒佢地,日日做咁多個鐘都無休息,想做好d都難啦...
回覆刪除