阿豪觀點：發預警短訊免問責
次次打風，大澳都會變成澤國，今次「巨爵」襲港都唔例外。其實有時真係戥我哋做傳媒嘅慘，政府次次水浸完都大耍官腔，又話幾時可以起好個防波堤、又話會做好部門間協調，成架人肉錄音機咁，又唔見報紙可以照dup上次水災篇新聞、電視台可以播番舊片！
最搞笑係，民政事務總署署長陳甘美華話當大澳可能發生水浸時，會向居民發出預警短訊，提醒佢哋將貴重物品搬去較高嘅地方。呢個短訊嘅潛台詞係咪話：「嗱，依家浸就浸梗㗎喇，咪旨意政府幫到手保障市民生命財產，唔該自己執生。」咁以後警方係咪可以發短訊畀市民，提醒大家依家正身處罪案黑點，麻煩大家買定棺材呢？
skip to main |
skip to sidebar
不如將環球片場個未來水世界劇場搬去大澳﹐吸引多d遊客來港!
回覆刪除不如煲呔曾今次又坐直升機去視察啦，反正咁鍾意做show，又或者坐香蕉船去，拍套短片宣傳香港囉…
回覆刪除其實唔止大澳啦，上環海味街咪又係次次浸到大大鑊，啲海味飄哂出來呢個奇景仲吸引遊客啦﹗
回覆刪除台灣水災有官要下台，但係香港年年打風，地方年年水浸，個個又好似冇件事咁，有冇搞錯﹖
回覆刪除