打擊醫護士氣罪大惡極
《風險通報》期期有新料，唔係打錯針、輸錯血，就係割錯乳房，再唔係就索性留低幾件醫療用品喺病人體內。哈，話時話，唔知邊個改個咁傳神嘅名呢？《風險通報》，向邊個通報呢？梗係向病人通報啦—入醫院咁鬼危險，隨時冇命—唔通向醫生通報咩？反正又唔會有人因失誤而受罰嘅！唉，不過都係唔好講咁多喇，一陣人哋士氣受到影響，唔開心之下又做錯嘢，咪盞惡性循環！
作為一個文字工作者，見到香港嘅醫療事故無日無之，真係唔愁寫嘢冇靈感，終於知道乜嘢叫做「國家不幸詩家幸」嘞。不過呢種「幸運」建基喺病人痛苦之上，寧願冇好過咯！
訂閱：
張貼留言 (Atom)
哈，明明醫療嘢應該係最專業最穩陣最唔錯得的東西，唔知點解而家會頻頻出錯．呢類新聞，愈睇睇心寒！
回覆刪除成日都有醫療失誤,每次就出黎道個歉, 話會懲處員工, 就算數,究竟幾時先至會有好d 0既監管！
回覆刪除嗰個病人權期組織嘅人講得好︰「切錯手腳之後用膠水可以黐得番咩」﹗
回覆刪除醫管局不妨舉辦有獎競猜遊戲，估吓下一鑊醫療事故究竟係乜嘢，估中既就獎佢哋……長者醫療券5張啦﹗
回覆刪除希望醫管局員工有一日會明白什麼叫做"知恥近乎勇"，而不是反向市民訴苦，繼續講自己怎樣氣餒，將心比己，事關人命，市民實很難對醫護有共鳴。
回覆刪除