情慾短片有乜好睇﹖

滿足晒你多個願望
睇情慾短片，可以滿足大家多個願望：
—幸災樂禍。大家可以一邊惋惜：「該煨囉，如果係我（或我個仔女），你話以後點見人？」一邊好開心咁想像主角父母嘅反應。
—做動作指導。武打片或AV嘅演員經過訓練，但係情慾片由素人演出，我哋大可以指手畫腳：「呢個位拗前啲吖嘛，識唔識o架你？」
—做聖人。情慾短片一出籠，即時義正詞嚴怒吼：「有冇搞錯呀，依家啲後生仔女都唔識尊重自己同別人嘅！」之後再補句：「可唔可以send條link過我呢？」
—（主角）做明星。觀眾人數多過喺戲院上映嘅港產片。呀！着咩衫去金像獎頒獎禮好呢？