中秋前夕宣布明剃眼眉
早前有十五個國家宣布禁收月餅嘅郵件，話係考慮到禽流感同豬流感肆虐喎。嘩！中秋食月餅係我國優良傳統，禁止入口，即係明剃我哋眼眉啫！大家不妨睇吓禁運月餅國家嘅名單，竟然有乍得、蘇丹同緬甸等傳統同中國友好嘅國家，如果你話唔係有敵對勢力喺幕後策動，真係打死我都唔信。
一年三百六十五日邊日唔好宣布，偏要中秋前夕宣布禁令，仲唔係別有用心？雖然喺飲食方面，最愛國嘅熱血青年都未必敢用國貨，但係由外國人禁運就勢係假。我睇同胞們有必要反擊，禁運番對家嘅食品，好似話蘇丹紅雞蛋咁—吓，又係國貨？乜唔係蘇丹出產嘅紅雞蛋咩？
skip to main |
skip to sidebar
人在異鄉已經夠慘架啦，仲要中秋節都冇月餅食……唉…
回覆刪除什麼年代，中秋節一定要食月餅咩﹖成家人一齊食梳打餅都開心啦。生命攸關，張就下啦。
回覆刪除現在坊間的「卑鄙月餅」又朱古力、又提子、又芝麻，邊度似月餅，求其買個雪糕返來，當係月餅都一樣。
回覆刪除至怕而家唔係「月餅」呢種食品出問題，而係「中國製造」瀨嘢呀…
回覆刪除吓? 有無搞錯!!
回覆刪除咁樣傷害中國人民感情, 點都要做番d嘢喎~