鱷不群大戰毒菇求敗
唔少有錢人都鍾意反璞歸真，去非洲參加Safari狩獵旅行團，見吓平時冇機會見到嘅動植物。雖然呢味嘢，作為冇錢人嘅你同我一定冇份，但係其實我哋唔使捨近求遠嘅，去康文署公園都得啦！嗱！有鱷大俠「鱷不群」，又有「毒菇求敗」，夠晒熱鬧同刺激呀！
好多人聽到話公園有福鱷同毒菇都好震驚，但係大家又知唔知，本地某電視台一個以金魚做主角嘅節目，其實都有唔少Fans，側聞有觀眾仲幫捧開場嗰條魚改名添！福鱷喺水池出現、毒菇喺公園遍地生，點都合理過金魚喺電視機裏面游嚟游去啩！計我話，電視台將佢哋個生態節目移師去各康文署公園直播，定可砌低對手！
skip to main |
skip to sidebar
估唔到市區既公園都有毒菇,真係幾危險,d 公公婆婆可能會摘番屋企食ga ma, 政府快d搵人清理, 唔好搞到出事先做野！
回覆刪除政府要捉走公園水池的福鱷，其實不需要人手捉，餵福鱷食公園內的毒菇便可，包保福鱷肚痾腹瀉，殺傷力大減。
回覆刪除有福鱷，又有毒菇，咁唔爭在放埋周一鑊等高官入去啦，反正都係騎呢集中營咯……
回覆刪除康文署啲人做乜唔走去清走啲菇呀?以為自己玩緊超級瑪利奧，食咗啲菇會升呢呀?
回覆刪除從來都無人話可以亂摘野食啦，唔通公園的東西可以隨便拎走嗎﹖
回覆刪除好簡單﹕去公園拎毒菇回家種，拎福鱷回家養，咁咪一天都光哂囉。
回覆刪除