三百六十四日都係有車日
啱啱過咗國際無車日，高官們就算幾心不甘情不願都好，都要出嚟做吓騷搭巴士又或者行路返工。至於有冇用，外界就似乎唔係太樂觀嘞。好簡單，只係唔坐私家車一日咁大把，一年裏面嘅其他日子，咪又係大放特放溫室氣體！
之前咪話啲高官一個二個鍾意用幾千cc嘅大馬力座駕，畀環保團體插到飛起嘅，喺呢度我都要為班高官講番句公道話，講真啲車外形又真係幾靚，如果豪伯我有錢都會買番架。大家有冇睇電影《波叔出城》呀？波叔喺哈薩克故鄉架私家車都係相當豪華㗎，不過係用隻驢嚟拉咁解，只要特區高官學習波叔精神，咁就算日日係有車日都環保到極啦！
skip to main |
skip to sidebar
無幫助，因為其餘個三百六十四日都係用大馬力"環保"車，D廢氣一樣係度。
回覆刪除特首一個帶兩個新聞官、兩個保鑣、幾十個記者，全部人晨早駕車搭的士去接特首..........嘥........氣。
回覆刪除啲有錢佬辛苦一日好似好巴閉咁﹗窮人一年三百六十五日都搭公共交通工具，夠哂環保啦，有冇人褒獎吓呀又﹖
回覆刪除高官做騷從來都係得個有姿勢冇實際架啦，如果做騷有用既話，咁全城清潔日之後香港咪一塵不染﹖
回覆刪除