幫香港腳申請專利好過
馬來西亞旅遊部長計劃將海南雞飯同辣椒蟹等申請專利，將佢哋列為「馬來西亞美食」，豪伯認為，呢個行為相當之無聊。大家諗吓嘞，就算畀佢哋成功申請到專利，而鄰國新加坡仍然有舖頭打正旗號賣「地道辣椒蟹」，唔通真係發動戰爭咩！
所以計我話，香港雖然有茶餐廳奶茶等多種美食，但係申請成專利都冇乜着數，要申請專利，不如為「香港腳」申請好過。大家都知啦，呢種皮膚病又唔係香港發明，但係我哋就無端端背負呢個惡名咁耐，倒不如將錯就錯，將佢列為「香港原創疾病」，邊個外國人患上，一係就收佢「專利費」，一係就規定用本港藥廠出嘅藥物，咁樣先至啱數！
skip to main |
skip to sidebar
香港勝在有ICAC「廉記咖啡」
回覆刪除咩呀，茶餐廳夠哂出名啦，直頭係非物質文化遺產呀！
回覆刪除其實香港都有好多特色文化，茶餐廳、港式奶茶、咖啡、菠蘿油、仲有魚蛋、牛雜，都好有香港本土特色呀~~
回覆刪除弊在所有有香港「特色」既食品，全部都係平價貨呢，賺唔到啲老外幾多錢架喎﹗
回覆刪除哇，你知唔知旺角的小食店一個月可以賺多少？平價小食感覺是平易近人，很容易吃得到。而且海南雞飯、辣椒蟹、肉骨茶也不都是平價貨。
回覆刪除