港女大鬧建材店

港女短片信心保證
港女大鬧建材店，相信大家都睇咗片，毋須豪伯在此多講啦。呢件事反映大家已習慣咗用「港女」一詞，一見段片同港女有關，即刻知有熱鬧睇，難怪喺網上熱爆。
事實上，港女可以話係繼「醜陋的中國人」之後另一個偉大發明──中國人梗唔係個個「髒亂吵」同「窩裏鬥」啦，正如香港女仔唔係個個都崇尚名牌、鍾意發小姐脾氣。至於點解港女同醜陋的中國人一樣叫到開巷而冇乜人反對，女士們自己都要檢討吓喇。
不過港女們都未必冇得救嘅，起碼中國人喺外國守秩序，畀人以為係日本人大家聽得多，但就好似未聽過香港女仔斯文大方而被人誤認係日本妹囉！