萬物之靈自我侮辱
一宗油麻地發生嘅車禍，竟然要調派港島區白車嚟救人？咁都未算啜核，最終都係等唔切白車，竟然要由七人組成嘅「人肉白車」將傷者送院。市民聽到呢單嘢不禁怒問：當局仲話搞埋晒啲咩嘢「白車三級制」，幾乎查過你三代至放架白車出嚟救人，依家有人畀車撞到頭部重傷呀，仲唔夠緊急呀？咪一樣冇車嚟救！證明根本你哋自己唔夠車，然後就賴市民濫用。
大家知道人類作為萬物之靈，同其他生物最大嘅分別，就係識得利用工具，家陣坐喺冷氣房度班高官，逼到啲前線員工退化到要扮「人肉白車」，直頭係反人類罪行，捉佢哋去海牙國際法庭審都仲得呀！
skip to main |
skip to sidebar
以後啲消防員應該參加一年一度的慈善抬轎賽，作為訓練一部份。
回覆刪除充分體現香港人準備差、應變快的優秀特質，香港加油。
回覆刪除講緊人命呀，唔好講笑。不論如何那班前線救護人員想盡方法救人，值得嘉獎。在背後安排、坐在冷氣房的人，自己諗下乜野一回事。
回覆刪除上次有救護人員鬧出先裹屍後搶救的鬧劇,今次總算做番齣好戲,要俾番個credit佢哋!
回覆刪除