狗主罰款夠康文署加薪
對於屯門起狗泳池，豪伯相信康文署會舉腳贊成。
大家知啦，康文署管理嘅公眾泳池一團糟，三日唔埋兩日就出現「浮金」，起咗狗泳池後就唔使驚啦，事關狗隻喺公眾地方大小二便，狗主有責任清理番佢，到時話唔埋會有人專程入屯門，睇人表演潛入水底用報紙包起狗糞呢一項高難度動作添！此外，狗主整污糟公眾地方嘅千五蚊定額罰款，集腋成裘絕對唔嘢小，所得隨時可以幫全體康文署官員逆市加薪添！
不過政府咪咁快開心住，不患寡而患不均，因住其他養寵物人士好似紀律部隊咁扭計，呢個話要起貓音樂廳，嗰個又話要起錦鯉足球場，到時問你順得邊個意！
skip to main |
skip to sidebar
香港人乜都驚，乜都唔好做啦。萬一發現狗傳播病菌，當佢地福鱷咁處理。
回覆刪除唔知使唔使請番個狗救生員呢？
回覆刪除係請狗救生員都唔錯，可以創造就業。但唔知使使同啲狗做人工呼吸喎....
回覆刪除連人ｏ既泳池都唔夠用，仲話起狗泳池？？
回覆刪除起乜鬼，為後生起左戒毒學校先啦，狗又唔會吸毒。
回覆刪除同意泳客所講,每年夏天,公共泳池迫到死,仲浪費資源起狗泳池？咁遲d駛唔駛起貓圖書館,雀鳥音樂廳...？留番比人類好喎~~
回覆刪除