市民立喺必敗之地
聽講兩電以增加更環保嘅天然氣發電令成本大幅上漲為由,正申請緊加價,好可能下年元旦就實行。咁即係話,一係就捱污濁空氣,一係就捱貴電費,總之市民就立喺必敗之地啦!
好嘞,我當你成本上漲要加電費勉強講得通,咁之前煲呔曾提出嗰個慳電膽現金券計劃,理論上落實後市民用電少咗,應該更環保至啱o架,咁點解電力公司又話要加電費呢?如果咁講,咪即係市民環保都要受罰?人哋澳門都向用水量減少一成嘅住宅用戶回贈水費啦,點解香港電力公司唔學吓人哋,鼓勵香港人慳電呢?
成本上漲要加,收益少咗又要加,真係想問佢,到底咩情況先有得減呢?
好明顯,市民將會又捱貴電費,又捱灰天!不如再俾多啲電費,買部空氣清新機!
回覆刪除點解政府做左咁多環保措施後,都空氣仲係咁差?d錢用左去邊?
回覆刪除好奇怪,市民用少啲電,本來係環保啲,但係電力公司又要保證利潤,要加電費,咁即係點﹖
回覆刪除電力公司 = 吸血鬼
回覆刪除一句成本上漲,就即時要加電費,最好即時生效,之前要求減電費,又唔見佢咁快手。
回覆刪除