交警片車

轉揸白車救急扶危
三名當值交通警懷疑約埋一齊鍊車，其中一架仲炒埋，鐵騎巡警受重傷。吓？乜咁都得？睇嚟呢三個掛住鍊車嘅交警，應該轉去揸白車，咁咪可以早啲到達現場囉；又或者索性轉行做賽車手，代表本港出戰澳門。
揸鐵馬嘅交通警鍾意鍊車，點知第時有冇其他警員鍾意射擊，得閒無事比併槍法準唔準㗎？依家諗番轉頭，其實拍拖必警員已算好好㗎喇，起碼唔會累街坊吖！
呢個時候，「FOXY天王」應該再度出場為民請命，佢一次過可以摷到百幾份警方機密文件，唔知可唔可以搵到交通警下一次舉辦「賽車」嘅路線同時間等詳情呢？等小市民可以避開嘛！