港產聖誕老人

喺香港撈盞出醜
香港好似好耐都冇咩開心新聞，今年聖誕老人奧林匹克比賽，由一位香港人勝出，都算係香港嘅驕傲咯。呀，唔知大家自己人，向呢位聖誕老人要禮物，佢會唔會畀大份啲我哋呢可？
其實阿Jim都係喺外國做聖誕老人好喇，香港啲細路仔都冇晒童真啦，見到你盞問你現兜兜攞錢使，或者送啲K畀佢哋索，又或者掹吓你啲鬚，等你出吓醜。再講啦，聖誕老人始終係外國嘢，唔啱我哋中國人社會，提到送禮物嘅使者，中國人梗係第一時間諗起財神，又或者有求必應嘅黃大仙啦，到時聖誕老人要淪落到幫人度條必勝波馬貼士，搞到滿身銅臭味，咁就大煞風景啦！