告士打道水世界

大條藉口推環保大業
二十三歲嘅人，有啲已讀完大學，成為社會棟樑；如果係一條地下水管嘅話，就只有等待爆裂嘅命運。
話時話，告士打道爆鑊杰嘅，冇錯令到市民好唔方便，但呢件事對環保大業嚟講，絕對係百利而無一害。
大家不妨諗諗，呢條咁繁忙嘅馬路，停用一日之後，有冇死人冧樓吖？冇吖嘛！地球咪又係繼續轉。咁即係話，呢條路其實可以間歇性封閉啦。當局咪曾經建議禁止歐盟三期或以下嘅商業車輛進入旺角、中環、銅鑼灣等繁忙地區嘅，計我話不如索性封晒佢唔畀車入仲好啦！一條殘舊水管，換你一個藍天白雲，賺咗！至於政府識唔識打呢張環保牌，就睇佢哋嘅政治智慧喇！