冤有頭債有主
真係奇哉怪也，以前就話農曆新年、聖誕節等大時大節至有應節新聞啫，估唔到家陣連盂蘭節啲新聞都咁應節。元朗屏山達德公所最近傳出鬧鬼新聞，有村民話見到抗英烈士遊魂喺村入面練習步操，都咪話唔得人驚！
中秋節係提醒大家一家團聚幾咁幸福，其實盂蘭節都係一樣—你一定要對先人好啲，否則佢哋實唔肯過你。
呢件事亦都證明下面資訊都幾發達。烈士們睇新聞知道，如果唔係啲公公婆婆走出來抗爭，依家連攞生果金可能都要查過三代至得咯。不過話時話，冤有頭債有主，你哋要操兵遊行抗議，就算唔去上亞厘畢道，都至少去發展局局長官邸啦，唔好嚇親啲村民嘛！
咪再講呀,突然間陰風陣陣添....你話聖誕就有應節新聞o者,而家連盂蘭節都嚟料,啋啋啋....
回覆刪除年年盂蘭節派米都晒暈幾個老人家啦，仲講話照顧死人，嘥氣！
回覆刪除又係喎，撞到正。學生開學前，洗唔洗去鵝頸橋打小人。
回覆刪除真係唔講唔知有呢班抗英烈士呀,俾我係佢地都要出嚟操兵抗議啦，不過冤有頭債有主，你哋都係操去禮賓府罷啦﹗
回覆刪除